Hilassi Ergaano 2:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ ꞌDooꞌdi yeediis khaatte labaattissiye. Maalinkaas ꞌdooꞌdi ururicho isookhaye, a geeddi et elif seyyah.

Hilassi Ergaano 2:41 Referans Kwoze

Hilassi Ergaano 4:4

Iꞌdaasenyi ꞌdooꞌdi ittaawenye yeedicho daage, Yeesso rummeeste. Tiri ꞌdooꞌdi Kiriisto rummeeste geeddi elif chan yitah.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Yoohana 14:12

Rume atin icheeka, eti tuummane ani irummeesti, wihi an yeelo a yeela. Wihi waha kussan laka a yeela, iꞌdi tahe an Aabbahaaya inokhda.

Hilassi Ergaano 13:48

ꞌDooꞌdi yaafohi Yaꞌhuud ieheynan chirri icho yeedaas daageen ka weyti hamaadeene, Yeedi Kamur inkaanyiteen. Eti tuummane Waakh soobahsate ꞌdee jiroti jirtuu imassan ꞌhelo la Yeesso rummeeste.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

1 'Dessaloonika 1:6

Atin chirri sinayyo atin loomhiche laka, Wori Haaggan hamaadi buurenye Rubeyti Munyee atin siisse iche kakhaatatteen. Iꞌda ka la, atin dabateenyo ichoow koo Kamureen a raahteen.

Hilassi Ergaano 3:23

Eti tuummane etaas Waákh íyeyyeedo idagansan, ꞌdooꞌdi Waakhe goya lakabahcha, labaabiicha.’

Hilassi Ergaano 7:14

Waha ꞌdubicho ka Yuussuf aabbahiiski Yaakoobo layadeeh ichoow minkicho tuumman ili Miissiri isoowahe. Ichohi sooguure isgoya a et tomon teeba ichoow et chan.

Hilassi Ergaano 27:37

Nahi kooban iskaleejirre isgoya a et kud lamma ichoow et tomon teeba ichoow et lih.

Rooma 13:1

Taba, weynaanti sirgaal afiche akutina. A mehe weynaanti Waakh soobahche on menye, too addan ma jirto. Weynaanti jirto la Waakhe intaas gesse.

1 Beetero 3:20

Waha a rubeyohi ꞌdooꞌdi goorat ayti Waakh raahiwwaaye maanti goorat Noowa koobanhi buure dise. Waakh la ꞌdooꞌdaas a isamacchaare. Iꞌdaasenyi et siyyeet kooban goya kijirte kaldaye bicche ikhaatin.

Bakkaahit 16:3

Herti Waakhe lammaatteet wihi baakhuuliche kijire beyti buure kakhubte. Bey tuumman iꞌdi diiggi eti yumuy titahye, wihi goya kijiro rubey khabo tuumman la tuumeen.

Yoohana 21:11

Siimonhi Beetero layadeeh kooban kore, oroohti bahaggi burbuure buuho soojiite. Bahaggi icho ꞌheleen a bahag kudoo ichoow tomon chan ichoow bahag seyyah. Iꞌdaasenyi chiꞌ bahag burbuur eheet laka, oroohe ma goggowin ba.