Hilassi Ergaano 2:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ A laweynaache, Waakh anki dahantiisti miigeet loorrommiche. Waakkhi Aabbahiise Rubeyti Munyeenye us ayyiche kaꞌhele. Waha buurenye toolla atin agarteene toro la daagteen tuumman la, Rubeyti Munyeenye kayamiitiin.

Hilassi Ergaano 2:33 Referans Kwoze

Hilassi Ergaano 1:4

Maantoo leegolossataayi amurane ibahche, “Ilkerengeetti weene Yeerusaleem akabihina, iꞌdaasenyi siinti goorat Aabbaheey atin iayyiche, an woriche kaayyeedo atin daagteen suga.

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Hilassi Ergaano 2:17

“ ‘Ibeenneti ꞌdaꞌddaboot, iche Waakh essa, Rubeyteey weeli enenyet tuumman a kakhuba. Yeeletiin ichoow albehiin wori Waakh a kaayyeedaan. Mejeliinki nunnugul fooltabcho a arga. Mejeliinki araarrinyee issilloyyo issilloota.

Yoohana 14:26

Iꞌdaasenyi Rubeyti Munyeenye ꞌDooggargaarto layadeehe, Aabbaheey meesseey ka sooergo, walah tuummane atin abissa, toro la wihi tuummane an atin isoocheeke, atin kasooꞌhelissa.

Marko 16:19

Inkoo Yeessohi Kamure icho leeyeede ka goobi Waakh liikorche, Waakh anki dahantiisti miigeet orronte.

1 Beetero 3:22

Kiriisto la goobi Waakhe inokhte, Waakh dahantiisti miigeet orronte, herti Waakh tuumman ichoow wihi tuummane goobi Waakh ka anto ichoow miig leh ba afiis ma kutaan.

Galaatiya 3:14

Us a inno gatte ꞌdee imaalnaanki goorat Waakh Aburaaham imaale, yaafohi Yaꞌhuud ieheynan laka Yeesso Kiriisto ka imaala, ꞌdee kakhuufnaanki inno Kiriisto kakhuufno ka, ayyinti Rubeyti Munyeenye goorat Waakh gooche ꞌhella.

Hilassi Ergaano 10:45

ꞌDooꞌdi Yaꞌhuude Kiriisto rummeeste Beetero sooraahe la, Rubeyti Munyeenye yaafohi Yaꞌhuud ieheynan laka isooyagte weyti kagirmeeste.

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Yoohana 14:16

Anna Aabbaheey a daaha, ulla ꞌDooggargaartotoo addane jirtuu tuumman atin leejirto atin isooerga.

1 Beetero 1:21

Usu ka atin Waakkhi usu omoot kasookahche toro la weynaache a rummeysatteene, ꞌdee Waakh on kakhuuftaane, toro la usu on khajjeel kakhabtaan.

Ibiraaniya 10:12

Iꞌdaasenyi kuhaaniha koloo kalday on issoobahche, soorriyoti uskeel bihisso, jirtuu tuumman liikanokhan yitahye, Waakh anki dahantiisti miigeet orronte.

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Tiito 3:6

Waakh la Yeesso Kiriistohi ꞌDoorribeheene ka, a inno ibuuhiche Rubeyti Munyee tuum inno isookhube.

Efeesso 4:8

Jeentetaase Yeedi Waakh iꞌda iyadeeh, “Maanti us serey ka inti saraat ikore, chiiytiis a booliye woye, toro la siimohi hahhaaggane ꞌdooꞌdiis siiche.”

Yoohana 17:5

Maantaka Aabbahaaw, weynaanti an geeddi at harra isoouumin kileekhabe ortaah ka iweynaay.

Yoohana 15:26

“Maanti Rubeyti Munyeenye ꞌDooggargaarto layadeehe Aabbaheey katamiit an atin isooergo, Rubeyta Munyeenye rum lehe Aabbaheey katamiit, a atin itamiite, wori ani imiinsan atin icheekta.

Luuka 24:49

Ani wihi goorat Aabbaheey atin iayyiche a atin isooerga. Iꞌdaasenyi koloo ilkerengeet goya akabahina ichoowka miigti serey katamiit a atin ogoogto.”

Efeesso 1:13

Atinhi Yaꞌhuud ieheynan laka yeedi rummaat a daagteen, a Wori Haaggane atin ribo. Maanti atin Kiriisto rummeysatteen, sumatti Rubeyti Munyeenye atin liiayyiche iche ꞌhesseen.

Ibiraaniya 2:9

Iꞌdaasenyi wihi inno agarro a Yeessohi Waakh iꞌdaaru herti Waakh kasoonuglaache. Iꞌdaasenyi jeenteti sina ikawaarte us iyumuy u, Waakh toolla usu ꞌduub a korche, weynaache, a liinkaanyita. Iꞌda ka haaggi Waakhe buure ka, Kiriisto meessi weeli enenyet tuummane kayamuut.