Hilassi Ergaano 2:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ Iꞌdaasenyi us eti Waákh íyeyyeedo eheete, ayyinti Waakh usu daato ka igooche ꞌdee eti hiiyyiise komborti antoot gesso a garte.

Hilassi Ergaano 2:30 Referans Kwoze

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.

2 Timooti 2:8

Saggi Yeesso Kiriistohi hiiy Dawuude omoot liikasookahche akadabin. Wori Haaggane an cheeko a kaas.

Rooma 1:3

Weeliissa miinsanyahe, ulla a Yeesso Kiriistohi Kamureene. Sartiis la a sarti weeli enenyete, ulla hiiy karnati Dawuud layadeehe kayimiy.

Marko 12:36

Dawuud rubeytiis Rubeyti Munyee ka yeyyeedaayi mehe yidah ya, “ ‘Waakkhi Kamure wihi us Kamureey iyidah, Dabankeeyki miigeete antoot orrommo, ichoowka chiiytaah tuum dahanohaah a soogesso.’

Bakkaahit 19:16

Kabuuꞌdiis ichoow togooggiis magahane kachiiran, Karnati karnato kussan ichoow Kamuri kamurre kussan.

Bakkaahit 17:14

Binaha ichoow karnatoha ba Heleeme diho kiirtaane, iꞌdaasenyi Heleem ichoow ꞌdooꞌdiis ba icho kahataataan. A mehe us a Kamuri kamurre kussan, toro a Karnati karnato kussan. Toro la ꞌdooꞌdi usu leejiro a ꞌdooꞌdi Waakh wahe, Waakh soobahsate toro Waakh a kakhuufaan.”

Ibiraaniya 7:21

Iꞌdaasenyi maanti Yeesso kuhaani yitah, Waakh a daatte, wihi us yidah, “Anihi Kamurenye Waakhe wahane gooche, yombo la ma inokhdi, wohoo addan ma yeelo. At jirtuu tuumman a kuhaani.”

Ibiraaniya 6:17

Waakh ꞌdooꞌdi wihi us ayyiche dalho saggi us ayta weyti imiigooche toro la us maliis iurgiyin a tusa. Jeentetuu la Waakh wihi us ayyiche ka a daatte.

Ibiraaniya 4:7

Maantaka Waakh toro ibeenkoo addane nasmetiis laꞌhelo yeele, ibeenkaas la Maalinkane layadeeh. Inkoo geeddi deer lafiddiye ka, wihi Waakh Dawuud ka yidahye kootte orey lakahawwooche a mehe ya, “Maalinka, chirri atin wihi Waakh essi daagteen, matah amiigeysanna.”

Ibiraaniya 3:7

Maantaka, iꞌdi Rubeyti Munyee Chiirnaanneti Waakh goyaka tadeeh u, “Maalinka chaꞌatin wihi Waakh essi daagtaan,

Rooma 15:12

Toro la, wihi Isaaya yidahye Kiriisto miinsan kallaayo, “Eti hiiy Yeessee a yamiite, ulla ꞌdooꞌdi yaafohi Yaꞌhuud ieheynane dakhta. Icho la usu khajjeel kakhabaan.”

Hilassi Ergaano 1:16

wihi us yidah, “ꞌDooꞌd Kiriistokaaw, wihi massan Chiirnaanneti Waakhe Rubeyti Munyee Dawuud afiis leekeente, Yuudahi ꞌdooꞌdi Yeesso khabti soowoye miinsan a labuuhicha.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Mattaayo 27:35

Inkoo iche massalaaba kakaahte ka, kura guꞌddateene gaaddiis gisante.

Mattaayo 22:43

Wihi us icho iyidah, “ꞌDeerka saggoh Dawuud Rubeyti Munyee ka yeyyeedaayi, usu ‘Kamur,’ ikawaha? A mehe us mehe essa ya,

Ibiraaniya 1:1

Goorat archiiy, Waakh aacchinyeteen geeddi buure ichoow jitassi ittaawe ka a leeyyeede. Ulla ꞌdooꞌdi Waákh íyeyyeedo kaleeyyeede.