Hilassi Ergaano 2:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ A mehe meessi ꞌdooꞌdi tuume kijiro goya ma ikatabto, ommos Falfataahti Munyee ma ꞌdiisso ma suusahto.

Hilassi Ergaano 2:27 Referans Kwoze

Hilassi Ergaano 2:31

Dawuud wihi berri Waakh yeelo iche arge. Saggi Ki Lasubhe omoot liikasookahcho cheeke. Usu iꞌdi ꞌdooꞌdi tuumuu meessi ꞌdooꞌdi tuume kijiro goya ma lakatabine, ommos sartiis ma suusahin.

Bakkaahit 1:18

An a Ki Jiro Leh. Ani a umuyye, yeya jirtuu tuumman la a jira. Ani omoot anto a kakhaba, toro fureyyohi meessi ꞌdooꞌdi tuume kijiro a khaba.

Bakkaahit 20:13

Beye ꞌdooꞌdi tuume goyahiche kijire sooꞌdiisse. Omoot ichoow meessi omooteet la ꞌdooꞌdi tuume goyahicho kijiro sooꞌdiicheene, Waakh la ebba hukkume. Hukkunka ichoow wihi goorat icho yeeleen ba a israahaan.

1 Koriinto 15:55

“Omootoow soorinti at enenyet soorisso meete? Omootoow miigtaahti orran at enenyet kabolkhisso meete?”

1 Koriinto 15:52

Waha la koloo kalday on iꞌdi ankhad ichoow libiisihi ileet u yateehiin maanti arabi ꞌdaꞌddaboot laafuufo. Iꞌdi tahe maanti arab laafuufe, Waakh ꞌdooꞌdi tuume a sookahcha, icho la toro yombuu ma yamuutiine, Waakh inno tuumman la a inno urgiyicha.

Yoohana 11:39

Yeesso wihi us yidah, “Daddaab bahcha.” Iꞌdaasenyi Maartati Laassarohi yumuy leedelatte wihi iche tidah, “Kamur, kola a nuuhe, ibeen affar kutte lahawwaalee.”

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

1 Yoohana 2:20

Iꞌdaasenyi Kiriistohi Munyee Rubeyti Munyee ka a atin subhe, atin tuumman la runti Waakh a garattaan.

Luuka 4:34

“Wooy! Yeessohi Naasaret, nah katab!” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy,” yidah.

Luuka 1:35

Herti Waakh wihi iche ilaabte, “Rubeyti Munyee a kisooyagta, miigti Waakkhi Weyti Ween iꞌdi oosimeet u koogoogta. ꞌDeerka weela munyeenye dessi Weeli Waakhe layadeeh.

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Mattaayo 11:23

Atinhi ilkerengeetti Kafarnaaꞌhum taalliin la kol serey atin liiokkhicho koogtahiin? Mele, meessi ꞌdooꞌdi tuume kijiro iche ikhubattaan. Chirri wihi ittaawenye weeli enenyet yeelin iubaaꞌdane an goytiin ka yeele ilkerengeetohi Soodom lakayeele, ilkerengeettaas kootte uliba laka a jirta on.

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Hilassi Ergaano 3:14

Atin Eti Munyeenye toro Fissan a ꞌdiiꞌddeene, etoo dubunuunu enenyet yigisye atin liisoofuro daahteen.

Luuka 16:23

Ulla meessi ꞌdooꞌdi tuume kijiro goya kijire, bolokkhi uskul latuse. Chirraakka serey yeye fogaka Aburaahamhi Laassaro garabiis fiddiyo arge.

Luuka 24:44

Ulla wihi us iyidah, “Waha dakkhan a wihi maanti goorat an atin leejiro an atin icheeke, wihi tuummane ani imiinsane Chiirnaanneti Amurre ichoow ti ꞌdooꞌdi Waákh íyeyyeedo ichoow ti buuggi Sabuur lakachiire a labuuhicha.”

Hilassi Ergaano 2:26

ꞌDeerka an uureey ka weyti hamaada, harrabeey laka weyti Waakh koolicha. Sarteey laka khajjeel a khabta.

Hilassi Ergaano 2:28

Jiti jiro lakeelo a itusse, chaꞌan ortaah toollo la weyti ikahamaadissa.’