Hilassi Ergaano 2:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 2:23 Referans Kwoze

Luuka 22:22

Ínam Aadam iꞌdi goorat Chiirnaanneti Waakh lakachiiruu, a yamuute, iꞌdaasenyi eti usu ꞌdub goocho sinati sugto eenna a buure.”

Hilassi Ergaano 4:28

Wihi sooyateehe at ꞌdoonintaah ichoow miigtaah ka orey goosse yeeleen.

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.

1 Beetero 1:20

Geeddi harra liisoouumin on usu lasoobahche, iꞌdaasenyi iroonotiin u ibeenneta ꞌdaꞌddaboote lasoobabbakkaahiche.

Hilassi Ergaano 13:27

ꞌDooꞌdi ilkerengeetti weene Yeerusaleem ichoow weynaanticho ba Yeesso eti us rumanka yahe ma kasin. Iꞌdaasenyi maanti icho omoot igoocheen, wihi goorat ꞌdooꞌdi Waákh íyeyyeedo chiire, Seeri Lanaso tuumman lasoomo buuhicheen.

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Rooma 4:17

iꞌdi liichiiruu, “An ooyohi yaafohi ittaawenye kaayeele.” Aburaaham Waakh ortiis ka a ooyoheenna. Waakkha us rummeeste a Waakkhi enenyet omoot kasookahcho toro la wihi goorat nolol ikhabin noolaacho.

Hilassi Ergaano 5:30

Inkoo atin Yeesso massalaaba kakaahteene atin tigaaseen, Waákh aacchinyeteen, Yeesso rubey a isoolaabe, omoot kasookahe.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Yuuda 1:4

Iꞌdi tahe ꞌdooꞌdoo dagsi ka goytiin soogele a jira. Saggi archiiy Yeedi Waakh liikachiiruu ꞌdooꞌda sina a liigooche. Icho a ꞌdooꞌdi Waakh igaranne, haaggi Waakhe buure baabulo, jitoo icho sohoꞌddarri kaassohtaan kayeelo. Toro la Yeesso Kiriistohi Kamureenki keleyenye anto tuumman leh a ꞌdiiꞌddanyahiin.

1 Beetero 1:2

Soobahsanaanki Waakkhi Aabbaheene atin soobahsate ichoow wihi ꞌhor us garte a israahaan. Toro us a atin soobahsate hili Rubeyti Munyee ka atin munyaache, ꞌdee Yeesso Kiriisto aytiis raahtaane diiggiis ka atin lakadikha. Waakh ba tuum atin imaala nebey tuum atin kakaala.

Hilassi Ergaano 15:18

goorat archiiy waha ꞌdooꞌd idowdowe essa.

Luuka 24:20

Kuhaaniyyohi wewween ichoow ewweenkeen ba dahanohi ꞌdooꞌdi omoot igoocho gesseene, icho la usu massalaaba kakaaheen.

Luuka 22:37

A mehe wihi chiiran, ‘Usu ꞌdooꞌdi Waakh daagiwwaaye goya lagate.’ Wihi an atin iadeeh la, waha ani liikabuuhicha. Aa, wihi ani imiinsane chiiran inti lakabuuhicho a eleelaan.”

Hilassi Ergaano 7:52

Eti Waákh íyeyyeedo aacchinyetiin sina iomhin a jira? ꞌDooꞌdi emeetti Eti Fissan cheeke laka a bakkisseen. Atin la usu ꞌdub a goosseene toro la dubunuunu tigaaseen.

Yoohana 19:24

Iskare wihi iche isitidah, “Uus inno khakkharadinne, kaaleya kura a iguꞌdubno, eti khaatti a agarro!” Waha la a yitaaheene, ꞌdee Chiirnaanneti Waakhe iꞌda tadeeh labuuhicha, “Darfoheey a gismeene, toro la dafarteeyti goyaatteet kura iguꞌddeen.” Wihi iskare yeesse ꞌdeerka a wahaas.

1 Beetero 2:8

Toro la, “Us a iꞌdi daakki enenyet tarraantarricho, a daddaabti enenyet lagaꞌddo.” Jeenteti icho ayti Waakh idaagine itarraantarrataan. Waha la a wihi goorat Waakh igooche on.

Mattaayo 20:19

Icho la dahanohi ꞌdooꞌdi Waakh igaran gessaane, lakachaarta, laajja ka doochaane, massalaaba kakaahaan. Ibeenki seyyahnaatteet ka omoot lakasookahcha.”

Mattaayo 27:35

Inkoo iche massalaaba kakaahte ka, kura guꞌddateene gaaddiis gisante.

Marko 15:24

Icho la Yeesso massalaaba kakaaheen. Goycho ka gaaddiis gisante, kura guꞌddateene ebba wihi us ꞌhelo yeyeen.

Luuka 23:33

Chirri icho meessi Lafohi Matahe Enenyet layadeeh sooeleeleen ka, Yeesso intaas ka massalaaba kakaaheen. Chiftati lammee laka leekaahte. Koo ankiiski miigeet kakaaheene, ki addan la ankiiski gurro kakaaheen.

Yoohana 19:18

Inta ka massalaaba kakaaheen. Reeroo lammee laka Yeesso leekaaheen. Kooba Yeesso ankiiskoo lakakaahe, Yeesso la dahcho lakakaahe.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

Hilassi Ergaano 5:28

“Nah goorat a katirriinsanne, amur atin ibihinne, uus atin magahi reenkaas ichoow yeediis enenyet abin. Iꞌdaasenyi wori Yeesso miinsan ilkerengeetti weene Yeerusaleem tuumman a kataaꞌhisseene, toro diiggiis nahe nah korin ꞌdoontaan.”

Rooma 2:12

ꞌDooꞌdi Yaꞌhuud ieheynan amurre Muusa walah iche leetahe mele. Chirri icho uskeel yeelaan, Waakh icho a baabiicha chiꞌ amurreta wohoo ileeheynan laka. Iꞌdaasenyi yaafohi Yaꞌhuud amurre Muusa anatta gone, chirri icho uskeel yeelaane, amurretaas iraahin, Waakh icho amurretaase kahukkuma.

1 'Dessaloonika 2:15

ꞌDooꞌdi Yaꞌhuud Yeessohi Kamureene ichoow ꞌdooꞌdi Waákh íyeyyeedo a yigaaseene, nah laka a nah sooriheen. Icho la Waakh ma kahamaadichaane, toro la enenyet tuumman a tirrimeen.