Hilassi Ergaano 2:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 2:22 Referans Kwoze

Yoohana 3:2

Ulla ibeen Yeesso iyimiyye wihi us iyidah, “Eti ween, saggi at etoo Waakh sooergate enenyet walah abcho itahe a garanna. A mehe wahanyeyyohi miigti Waakh tuso at yeesso, et addane yeelo mele, eti Waakh leejiro on menye.”

Hilassi Ergaano 4:10

Toollaka atin ichoow ꞌdooꞌdi Issiraayel tuumman waha abda giꞌde! Eta toolla feyyate, miigowe, ortiin toollo, antohi magah Yeesso Kiriistohi Naasarete goorat atin massalaaba kakaahteene atin tigaaseene iꞌdaasenyi Waakh omoot kasookahche iche kasamaate.

Luuka 11:20

Iꞌdaasenyi chirri an farri Waakh ka ginnayyo bahcho, waha saggi dakhi Waakh goytiin iyimiyye tusaan.”

Mattaayo 12:28

Iꞌdaasenyi chirri an Rubeyti Waakh ka ginnayyo bahcho, waha saggi dakhi goobi Waakh goytiin iyimiyye tusaan.”

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Ibiraaniya 2:4

Waakh rubeytiis la ribnaankaas rummaache. Saggi us irummaache la a iꞌda, wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdane yeele, toro la saggi us iꞌdoono on u, siinti Rubeyti Munyee ꞌdooꞌd gise.

2 Koriinto 12:12

Goytiin ka wihi eti ergaanee tuso iꞌdi maanta wahanyeyyohi miigti Waakh tuso ichoow girmo ichoow wihi ittaawenye weeli enenyet yeelin iubaaꞌdan garrahsihi buure ka a layeele.

Hilassi Ergaano 26:26

Agiribbahi karnate, an roorro laane kileeyyeeda. Wihi an tissibo, at wahanyeyyoha tuumman a garatta. A mehe inti dagsan ma lakayeelin.

Hilassi Ergaano 26:9

“Ani rubeyteey laka wihi an tissibe, wihi an abuuꞌd tuummane yeele, antohi magah Yeessohi Naasarete tirrimaa.

Hilassi Ergaano 24:5

“Eta wihi nah kaagarre, a etoo weyti sina keeno. Harra tuumman ka etane ꞌdooꞌdi Yaꞌhuud goyaka ururi il baabulo sootukkicha. Rabitti suujenye eti Naasaret raahto laka usu matakkichee.

Hilassi Ergaano 22:8

“Wihi an worsade, ‘Kamur at a ayyo?’ “Wihi us isoolaabe, ‘An a Yeessohi Naasarete at sina omhisso.’

Hilassi Ergaano 21:28

riireene, “Mejeli Issiraayeloow, nah gargaara! Eta a ki enenyet tuumman harra tuumman ka wihi suujenye us abcho ka ꞌdooꞌdeenki Issiraayel ichoow amurreteen ichoow minka Waakh miinsan kayeyyeedo. Waha kalday on menye, ꞌdooꞌdi Yaꞌhuud ieheynan iche minki Waakhe buure soogesse, meessa lagan biꞌdirrooche,” yidaaheen.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Hilassi Ergaano 13:16

Baawulo tolossate dahanti miigeet okkhiche leeyeede wihi us yidah, “ꞌDooꞌdi Issiraayeloow ichoow atinhi yaafti Issiraayel ieheynane Waakh karoortaane inta kajirtaan, idagansada.

Hilassi Ergaano 6:14

Usuhi, ‘Yeessoha ilkerengeetti Naasaret a yamiite, minka Waakh jejjebcha, hugumme Muusa la urgiyicha,’ essi a daagne.”

Hilassi Ergaano 5:35

ꞌDeerka wihi us jaldaab iyidah, “Mejeli Issiraayeloow, ꞌdooꞌda wihi atin sooyeessaan mujjum kamalda.

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.

Yoohana 19:19

Bilaato la amuri baawatoo lachiiro, massalaaba Yeesso sarche lakalooꞌdicho bahche. Wihi lakachiire la a mehe ya, Yeessohi Ilkerengeetti Naasaret, Karnati Yaꞌhuud.

Yoohana 15:24

Chirri kootte an goycho ka wihi injire liiyeelin iyeelin, uskeel ma khabaan. Iꞌdaasenyi toolla wihi ittaawenye weeli enenyet yeelin iubaaꞌdane an yeele a argeene, toro Aabbaheey ichoow ani ba a nah nibhaateen.

Yoohana 12:17

Ururi goorat maanti Yeesso Laassaro goꞌddi lakahawwaale goya kasoowahe omoot kasookahche leejire, wihi yitah tuumman cheeke.

Yoohana 11:47

Kuhaaniyyohi wewween ichoow Farissaayo ba Jaldaabti Weene Yaꞌhuud tol iwaheen. Wihi icho worsateen, “Mehe yeello? Bal wahanyeyyoha ittaawenye miigti Waakh tuso eta yeelo yeya!

Yoohana 10:37

Chirri an wihi Aabbaheey yeelo iyeelin, iirummeysanna.

Yoohana 9:33

Chirri kootte eta Waakh ikiimaatan, wohoo rucchul laka ma yeelo.”

Yoohana 7:31

Iꞌdaasenyi urur goyaka ꞌdooꞌdi ittaawe Yeesso rummeeste, wihi icho yidaaheen, “Ki Lasubhe maanti us yamiit, wahanyeyyohi ittaawenye miigti Waakh tuso eta yeele kussan a yeela?”

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Yoohana 6:14

Inkoo ꞌdooꞌd wahanyeyyoha miigti Waakh tuso Yeesso yeele arge ka, ꞌdooꞌd wihi us yidah, “Rumanka, eti goorat Muusa cheeke, ‘Etoo Waákh íyeyyeedo ꞌdee berri harrata a yamiit,’ yidah a kan.”

Yoohana 5:36

“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa.

Yoohana 4:48

Yeesso la wihi us iyidah, “Atin sammata atin wahanyeyyohi miigti Waakh tuso ichoow girmo iargin ma irummeysattaan.”

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Luuka 24:18

Kichokoo Kiiliyooba layadeeh wihi us worsate, “Ati kaldaye marteenye ilkerengeetti weene Yeerusaleem ka wihi ibeenneta kutte yitah igaran?”

Mattaayo 2:23

ilkerengeettoo Naasaret layadeeh furte. Iꞌdaas ka wihi goorat ꞌdooꞌdi Waákh íyeyyeedo ka lacheeke labuuhiche, “Usu berri eti Naasarete layadeeh.”

Hilassi Ergaano 2:19

Inti saraat ka an girmo yeela, harra ka wahanyeyyohi miigti Waakh tuso yeela, diig a khubta, ꞌdab ichoow uunki buure la harra ka kahaan.

Hilassi Ergaano 2:43

Ergaano girmo ichoow wahanyeyyohi miigti Waakh tuso haaggisse, enenyet tuumman la roorro gesse.

Hilassi Ergaano 3:6

Beetero ꞌdeerka et iiyeyye, “Walah chilimenye an khabo mele, iꞌdaasenyi wihi an khabo kisiicha. Antohi magah Yeesso Kiriistohi Naasaret ka, kahe soho!”

Luuka 18:37

Wihi icho usu iyidaaheen, “Yeessohi ilkerengeetti Naasarete kuta.”