Hilassi Ergaano 2:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Iche tuumman girmeysatte il fooliis waayte, “Iche waha a mehe?” isworsatte.

Hilassi Ergaano 2:12 Referans Kwoze

Hilassi Ergaano 17:20

Waha at nah icheekto, gaasoo a wihi nah injire idaagin, toollaka nahi wihi icho yahiin abanni iche ꞌdoonna.”

Luuka 18:36

Chirri us kowdoti ururi ꞌdulo daage ka wihi yitah enenyet worsate.

Luuka 15:26

Ilbooyoo wahe wihi us worsate, ‘Mehe jira?’

Hilassi Ergaano 10:17

Beetero wihi fooltabchota tahe kamalalaayi, ꞌdooꞌdi kootte Korneeliyo sooergate, inti min kajiro a abte, arite toolla.

Hilassi Ergaano 2:7

Weyti girmeesteene wihi icho isworsateen, “ꞌDooꞌda tuummane yeyyeedo ꞌdooꞌdi boroofenhi Gaalilaaya menya?

Mattaayo 7:28

Inkoo Yeesso waha tuumman cheeke ka, urur saggi us ꞌdooꞌd walah iabcho kagirmeeste.

Marko 6:20

a mehe ꞌHerood Yoohana karoora, saggi us etoo fissane toro munyee iyahe iche garta. A toorriba laka. Kolbaaw us Yoohana dagansate, mal la gela. Iꞌdaasenyi toro, weyti dagansan ꞌdoona.

Hilassi Ergaano 2:11

a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!”