Hilassi Ergaano 2:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ ichoow ti Furiijiya ichoow ti Bambiiliya ichoow ti Miissiri ichoow yaafti ili Kureene haggeenye Liibiya layadeeh ichoow martiti ilkerengeetohi Rooma katimiy. Martitaas gaasoo

Hilassi Ergaano 2:10 Referans Kwoze

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 18:23

Inkoo us geeddoo intaas fiddiye ka, irte ili Galaatiya ichoow ki Furiijiya tabe abatti faajjiye.

Hilassi Ergaano 15:38

Iꞌdaasenyi Baawulo Marko weyti ꞌdiiꞌde. A mehe us icho ili Bambiiliya ka a katabe, icho hil ma kaleejirin.

Hilassi Ergaano 13:43

Inkoo ꞌdooꞌd minki weysiit kabahe ka, ꞌdooꞌdi Yaꞌhuude ittaawe ichoow ki wihi ꞌdooꞌdi Yaꞌhuud wahti rumanka iurgiye Barnaba ichoow Baawulo sooraahe. Baawulo ichoow Barnaba la leeyyeedeene, hawwaasteene, ꞌdee mujjum haaggi Waakhe buure a raaheen.

Hilassi Ergaano 13:13

Baawulo ichoow wahalhiis ba kooban ka ilkerengeetti Baabos kakaheene ilkerengeettoo Beerga layadeehe boroofenhi Bambiiliya kajirto irteen. Intaas ka Yoohanahi magahiiskoo Marko layadeeh icho kanokhte ilkerengeetti weene Yeerusaleem inokhte.

2 Timooti 1:17

Rumanka maanti us ilkerengeetti Rooma soogele, meel tuummane iyeye ichoowka iꞌhele.

Rooma 1:15

Jeentetaas u, anihi atinhi ilkerengeetti weene Rooma taalliin laka Wori Haaggan atin icheeko iche weyti ꞌdoona.

Hilassi Ergaano 27:5

Chirri nah bey aficheki boroofenneti Kiliikiya ichoow Bambiiliya kijiro katabne bey dah kagoonne ichoowka ilkerengeetti Muura boroofenhi Lukkiya kajirto nimiy ka, kooban kasooyegne.

Hilassi Ergaano 14:24

Inkoo icho ili Bisiidiya tabeene ili Bambiiliya irteen,

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Marko 15:21

Etoo ilkerengeetti Kureene Siimon layadeehe gosiis kayimiyye intaas leeyimiy massalaaba Yeesso sinnaan ihosseen. Siimonha la a aabba Alekisaanda ichoow Ruufo.

Mattaayo 27:32

Chirra icho bahaan ka, etoo ilkerengeetti Kureene magahiis Siimon layadeeh ꞌheleene, massalaaba Yeesso sinnaan ihosseen.

Bakkaahit 11:8

Sarticho la jiti ilkerengeetti weene Yeerusaleeme goorat Kamuricho laka massalaaba lakakaahe iche jiifta. Ilkerengeettaas wihi Waakh miinsan ka ilkerengeetti Soodom ichoow ili Miissiri liiokkanaache.

Rooma 1:7

Atinhi tuummane ilkerengeetti weene Rooma taalliine, Waakh ꞌdoono, Waakh wahe ꞌdooꞌdi Waakh lakayeele, iche khadaaba isoochiira. Waakkhi Aabbaheene ichoow Yeesso Kiriistohi Kamure ba atin imaalaane nebey atin kakaalaan.

Hilassi Ergaano 28:15

Geeddi nah Rooma igelin ꞌdooꞌdi Kiriisto rummeeste saggi nah inamiit daage, yimiyye, Sokkoti Abbiyo ka or nah kasoodowe. Gaasoo la inti Wetteelinyeti Seyyahe layadeeh ka isꞌhelle. Baawulo la chirri us icho arge ka, Waakh kalaꞌd ilaabe weyti uur miigooche.

Hilassi Ergaano 18:2

Intaas ka etoo Yaꞌhuude Akiila layadeehe ili Boontus kadesse ꞌhele. Ulla makhaabassiisti Birisiila layadeeh khabaayi, ili ꞌDeylaane kayimiy, a mehe karnati ilaase Kilaawudiyo layadeeh, iche eti Yaꞌhuude tuumman ilkerengeetti weene Rooma a kabaho yidah. Baawulo icho sooyeyin irte,

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 6:5

Urur tuumman wihi ergaano tidah jilhaate. Etoo Isiteefano layadeehe, Rubeyti Munyee buuhisse toro Waakh weyti kakhuufo soobahsateen. Fiilif ichoow Burookoras ichoow Nikaanor ichoow Tiimon ichoow Barmena ichoow eti ilkerengeetti Antiyookhiya Nikolaawus layadeehe wihi ꞌdooꞌdi Yaꞌhuud wahti iurgiye laka soobahsateen.

Mattaayo 2:15

Intaas on fiddiyeene ichoowka ꞌHeroodhi karnate yumuy. ꞌDeerka wihi goorat Kamur etoo Waákh íyeyyeedo ka cheeke labuuhiche, “Weeleey ili Miissiri kasoowahe.”

Hilassi Ergaano 23:11

Saahka ibeen Kamur Baawulo hagga tolossate wihi us yidah, “Wohoo rucchul laka akaroorin! Saggi at ilkerengeetti weene Yeerusaleem ka garteey iyeedde saggaas on ilkerengeetti Rooma ka laka garteey iyeedda.”

Mattaayo 23:15

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin harra tuumman ichoow beyohi burbuurenye tabtaane, ꞌdee etoo kalday wihi ꞌdooꞌdi Yaꞌhuud wahti iurgiyissaane, chuꞌus atin sooraahe ka, weyti ꞌdirihiin baabiissaan. Saggi atin meessi ꞌdabi armaanjireen iirattaan u, etaas laka ꞌdirihiinna baabiissaane meessi ꞌdabi armaanjireen irta.

Hilassi Ergaano 2:11

a ꞌdooꞌdi Yaꞌhuud ichoow ki wihi Yaꞌhuud wahti iurgiye. Gaaseenyokoo laka Kireete ichoow ili Araabo kayimiy. Iꞌdaasenyi nah ichohi girmohi Waakh yeele afeenyo ka cheeko a daagna!”

Hilassi Ergaano 17:21

ꞌDooꞌdi ilkerengeetti Aaꞌden kajiro ichoow ꞌdooꞌdi yeelane intaas fiddiyo tuumman ayti husube us dagansati toro us kahawwoocho on menye, walah addane us haaggicho mele.