Hilassi Ergaano 19:35 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁵ Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti?

Hilassi Ergaano 19:35 Referans Kwoze

1 Timooti 4:2

Worassi iꞌdee inti icho kayamiitiin a ꞌdooꞌdi iskaayyeelo beeno leh. Rubeyohichoki haag ichoow suujoon seley saaho a iꞌdoo gaꞌdaari kuleele ka lakobdaaddinooche.

Efeesso 2:12

Saggi goorat maantaas atin ichoow Kiriisto yeerar ieheneet kasooꞌhela. Atin yaafohi Issiraayele Waakh soobahsate goya ma kajirin. Ayyinti goorat Waakh yaaftaas igooche atin goya ma kajirin. Harrata uskeel kijiro ka la khajjeeloo rucchul laka ma khabine, Waakh laka ma khabin.

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 18:19

Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Yoohana 9:31

Saggi Waakh ꞌdooꞌdi uskeel leh nabah ikasudin a garanna. ꞌDooꞌdi usú inkaanyito wihi us ꞌdoono yeelo la nabah a isuda.

Hilassi Ergaano 19:34

Iꞌdaasenyi chiꞌicho saggi us Yaꞌhuud iyahe kaseen ka, hooyoo kalday ka geeddi sahaꞌd lamma tuumman riireene, “Arteemisti ilkerengeetti Efeesso a weentahe,” esseen.

Hilassi Ergaano 19:36

Maantaka et runta ꞌdiiꞌdo mele gone, wihi lakaaꞌdoono a atihi gammadisso, wohoo ꞌdalammoon la iyeelin.