Hilassi Ergaano 19:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Iꞌdaasenyi chiꞌicho saggi us Yaꞌhuud iyahe kaseen ka, hooyoo kalday ka geeddi sahaꞌd lamma tuumman riireene, “Arteemisti ilkerengeetti Efeesso a weentahe,” esseen.

Hilassi Ergaano 19:34 Referans Kwoze

Hilassi Ergaano 19:28

ꞌDooꞌdi bacchaarti chirri us waha daage ka weyti hollowe, riire, “Arteemisti Efeesso a weentahe!” yidah.

Bakkaahit 13:4

Jeenteti khorojebsi anto binaha isiichuu, weeli enenyet tuumman khorojebsi wahte. Toro binaha laka wahteene, wihi icho worsateen, “Etoo maanta iꞌdi binahee jiraayi? Ayyo kan diho kiiran yabuuꞌd?”

Hilassi Ergaano 16:20

ꞌDooꞌdi Rooma intaas ka ꞌdooꞌd hukkumo igeecheene, “ꞌDooꞌda a Yaꞌhuude, toolla la ilkerengeettaanya sina ikeenaan,” iyidaaheen.

Mattaayo 6:7

Kolbaaw atin weysattaan la iꞌdi ꞌdooꞌdi Waakh igaran yeeluu, yeedassi ittaawenye indigir laa eelanna. Wihi tahe icho kol waakkhassicho jeenteti yeedassaas ittaawe u weysihicho daagaane koogyahiin.

Rooma 2:22

Atinhi makhaabali kaah ieheynan ommos makhaabassi taah ieheynan aleeurꞌdin, elattaan, atin rubeytiin mejel ommos deyyehoti tiin ieheynan a leeuꞌdurtaan? Atin iyookkoyyohi lawahti weyti a ꞌdiiꞌddaane, atin rubeytiin la minassi iyookkoyyoha lakawahti a hattaan?

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 19:24

Etoo tumaalenye Demmediroos layadeeh la minki waakkhi deyyahe Arteemis layadeeh lakawahti iche iyookkoyyohoo nunnucchule lahaagtoo dakhan lakahaaggiche ihaaggicha. Bacchaaratiis la ꞌdooꞌdi hiliis kajiro weyti chilimmeti buure ikeenta.

Hilassi Ergaano 19:33

ꞌDooꞌdi Yaꞌhuud la etoo Alekisaanda layadeeh urur isootakhe, wihi us yayyadeeh la icheeke. Ulla dahan ka ꞌdooꞌd leeyeede, wihi jiro icheekin ꞌdoonáa.

Hilassi Ergaano 19:35

Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti?