Hilassi Ergaano 19:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen.

Hilassi Ergaano 19:29 Referans Kwoze

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

Fiilemon 1:24

Toro la Marko ichoow Aristaarko ichoow Deema ichoow Luuka laka a kisoobariiticheen. Icho a ꞌdooꞌdi hil Kiriisto ikaleejiro.

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

Hilassi Ergaano 27:2

Koobanhoo ilkerengeetti Adaramaadiya kayimiy korre. Koobanha dowwanoha ka a kahaane ꞌdee boroofenhi Aassiya ka ilkerengeetohi bey afiche kijiro tottolossata. Etoo Aristaarkos layadeehe ilkerengeetti ꞌDessaloonika kayimiy laka a nah leejire. ꞌDessaloonika la boroofenhi Makedooniya kajirta.

1 Koriinto 4:9

Iꞌdi tahe ani ka, Waakh nahiiyye ergaanee ꞌdowe nah isoobahche, inti weyti ꞌduboot nah gesse. Nah a iꞌdi ꞌdooꞌdi herti Waakh ichoow ꞌdooꞌdi harrata tuumman ꞌdeyꞌdoochaayi, omoot liiwoyo.

1 Koriinto 1:14

An Waakh kalaꞌd a ilaaba, iꞌdi tahe goytiin ka Kiriisba ichoow Gaayo on menye, et addane an baattissiye mele.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

Hilassi Ergaano 21:30

Ilkerengeet tuumman wereerte, ꞌdooꞌd tuumman la meel tuumman ka isleesoorye. Baawulo khabteene, minki Waakhe buure khariis ijiiteen. Chirraas on arto lahide.

Hilassi Ergaano 19:22

Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.

2 Koriinto 8:19

Wahaas kaldach on menye, eta toro urur Kiriisto soobahche ꞌdee nah walhicha baaysiha nah leekhaata. Nah siintane mujjum woywoyna ꞌdee Kamur lakoolicha toro la saggi inno ꞌdooꞌdaas weyti gargaar iꞌdoonno laka laarga.

Hilassi Ergaano 21:38

At eti ili Miissiri goorat iskarti elif affarenye bir khabto sookahche hidaad leekeene menya?”

Hilassi Ergaano 20:34

Saggi an dahanoheey on ka isiwoywoye, toro an dahanoheey on ka ꞌdooꞌdi an khabe laka iwoywoye, a garattaan.

Hilassi Ergaano 19:32

Geeddaas ka la meel tuumman a riirit kalday on. ꞌDooꞌdoo riirit ka wohoo essa, koo la riirit ka wohoo addane essa. ꞌDooꞌd buurtiis la wihi icho intaas ka isikeene laka ma garti.

Hilassi Ergaano 17:8

Chirri icho waha daageen ka, urur ichoow weynaanti ilkerengeeteet weyti wereereen.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Hilassi Ergaano 13:5

Chirri icho ilkerengeetti Salaamis eleeleen ka, minassi weysiite Yaꞌhuud ka Yeedi Waakh cheekeen. Yoohanahi magahiiskoo Marko layadeeh laka a leejire, gargaare.

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

3 Yoohana 1:1

Khadaaba eti soochiiro a anihi ewweenenye urur Kiriisto woyo. Eti an isoochiiro a ati, Gaayohi aaleeyenye an weyti rum ka ꞌdoono.