Hilassi Ergaano 19:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Toollaka wihi soosohti ka bacchaarateenta magah a uskulaata. Wahaas kalday la menye, minki waakkheenki deyyahe weene Arteemis layadeeh laka magah a waaya. Waakkheenki Aassiya ichoow harra tuumman ka lawahti wohoo marahe yateeh.”

Hilassi Ergaano 19:27 Referans Kwoze

1 Timooti 6:5

ichoow iriirti kol dakkhan islaleeiriiro keenaan. Malassicho a lakheerooche, rum tuumman a lasare. Icho jiroti Waakh liijiro jitoo lakakamurrowo koogyahiin.

Bakkaahit 13:8

Weeli enenyete harra kijiro tuumman, ki tuummane magahenyeticho buuggi ꞌdooꞌdi jiroti jirtuu imassan ꞌhelo geeddi harra liisoouumin liikachiirin binahane wahta. Buugga la eti leh a Heleenki goorat layigis.

Bakkaahit 13:3

Binaha matakkoo ka, jiissi omoot keento khabaane, iꞌdaasenyi jiissa omoot keento a samaatte. ꞌDooꞌdi harra kijiro tuumman la girmeeste binaha raahe.

1 Yoohana 5:19

Saggi inno nyaakhuti Waakh inahe a garanna. Toro la saggi Seytaanki uskeel leh wihi tuummane Waákh tirrimo idakhti a garanna.

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Mattaayo 24:14

Wora Haaggane dakhi Waakh miinsan la harra tuumman ka a lacheeka, garti ꞌdooꞌdi harra tuumman yateehe, ꞌdee ꞌdeerka ibeenki yomboot yateeh.

Hilassi Ergaano 19:10

Guꞌh lamma tuumman ba saggaas on isohte ichoowka ꞌdooꞌdi boroofenhi Aassiya kajiro tuumman ki Yaꞌhuud ichoow ki Yaꞌhuud ieheynan ba Yeedi Kamur daage.

Bakkaahit 14:9

Hertoo Waakhe seyyahnaatteet ꞌdubicho tabte, hooyi buure ka wihi iche tidah, “Eti tuummane binaha ichoow iyookkotiche wahti, sumatti binaha la miin ommos dahan ka ꞌhele,