Hilassi Ergaano 18:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 18:5 Referans Kwoze

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

Hilassi Ergaano 18:28

A mehe us chirri us ꞌdooꞌdi Yaꞌhuud enenyet tuumman ortiis ka leehawwoocho, af ka a kahataate, Chiirnaanneti Waakh ka, saggi Yeesso rumanka Ki Lasubhe iyahe tuse.

Hilassi Ergaano 20:21

Wihi an ꞌdooꞌdi Yaꞌhuud ichoow ki Yaꞌhuud ieheynan icheeke a ichohi uskeel kasoonokhti ꞌdee Waakh urgiyicho toro Yeessohi Kamureene kakhuufo.

Hilassi Ergaano 17:3

wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah.

Hilassi Ergaano 9:22

Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.

Fiiliffi 1:23

Sag lamma liijiita. Anihi irdi Kiriisto leejiro imoona. Iꞌdi tahe taase weyti deefta.

Hilassi Ergaano 2:36

“Maantaka ꞌdooꞌdi Issiraayel tuumman, waha a abti giꞌde! Waakh rumanka Yeessoha atin massalaaba kakaahteen, a soobahsate, Kamur ichoow Ki Lasubhe kayeele!”

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

Hilassi Ergaano 16:9

Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Hilassi Ergaano 16:1

Baawulo ichoow Siila koloo ilkerengeetti Deerbe tabeene, saahka ilkerengeetti Luussira irteen. Etoo abatti Kiriisteenye Timooti layadeehe abartiis Kiriisto rummeysatte la intaas a kajire. Abartiis a inanti Yaꞌhuude, iꞌdaasenyi aabbahiis a yaaftoo Yaꞌhuud ieheynan.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 10:42

Waakh la amure nah ibahche, ꞌdee Wori Haaggan ꞌdooꞌd icheekna, toro saggi us eti Waakh soobahsate ꞌdee ꞌdooꞌdi jiro ichoow ki tuume ba ihukkumo iyahe cheekna.

Hilassi Ergaano 4:20

Iꞌdi tahe wihi nah agarre ichoow wihi nah daagne leegammadin ma nabuuꞌd.”

Yoohana 15:27

Atin laka woraaya cheektaan. A mehe uuꞌ goorat maanti an hila sookhabde, a ileejirteen.

Yoohana 10:24

Weynaantoo Yaꞌhuud Yeesso khaarisse, wihi iche itidah, “Ichoowka maantoh waha nah kadagissa? Chaꞌat Ki Lasubhe tahe, rum on nah isoocheek.”

Yoohana 3:28

Atin tuumman a cheektaane, wihi goorat an idah a mehe ya, ‘An Ki Lasubhe mee, iꞌdaasenyi a eti Waakh ortiis sooerge.’

Yoohana 1:41

Wihi kolooraate Andereeya yeele, Siimonhi walaaliisenye yowte, “Ki Lasubhe a ꞌhelle,” iyidah. Ulla a Kiriistohi lasugo.

Luuka 12:50

Iꞌdaasenyi koloo sina liikawaaricha, amuut. Anna jeenteti wahaas u a bolkha ichoowka wahaas kutaan.

Luuka 16:28

A mehe an walaal chane khaba. Icho a tootoocho uus ꞌdee icho laka maanti icho tuumeen inta bolokkhi uskul ꞌdooꞌd kayaham imaatane.’

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 20:23

Wihi kaldaye an gardi, Rubeyti Munyee a itootoossa, ilkerengeetti ween tuumman ka sina ichoow hiinaan a isugaan.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

2 Koriinto 1:19

A mehe Yeesso Kiriistohi Weeli Waakhenye ani ichoow Silfaano ichoow Timooti woriis atin icheekne, koloo kalday laka, “Aa,” ichoow, “Mele,” ma isleeyadeeh. Iꞌdaasenyi usu ka a, “Aa,” kalday on.

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

1 'Dessaloonika 3:6

Iꞌdaasenyi toolla Timooti a soonokhte. Wori haaggane us keene a atinhi uliba Kiriisto kakhuuftaane toro la uliba isꞌdoontaan. Wihi addane us yidah, a atinhi uliba hamaad ka nah kasooꞌhessaane, ichoow saggi atin argin nah iꞌdoontaan saggi nah laka toolla argin atin iꞌdoonnuu.