Hilassi Ergaano 18:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Maanti Aboollo ili Akhaaya ikahin ꞌdoone ka, ꞌdooꞌdi Kiriisto rummeeste ilkerengeetti Efeesso kijiro usu uur miigooche, abattiti intaas kijirto khadaab ichiireene, ꞌdee etaas a martiisteen. Maanti us intaas eleele ꞌdooꞌdi haaggi Waakhe buurenye inno imunneynan ka Kiriisto rummeeste weyti gargaare.

Hilassi Ergaano 18:27 Referans Kwoze

Kolossaay 4:10

Aristaarkohi jeela ikaleejiro laka a atin soobariitiche. Markohi Barnaba abaayyahiis yahe laka a atin soobariitiche. Amuri usu miinsan a ꞌhesseene, chiꞌ Marko atin iyimiy, mujjum martiisda.

Kolossaay 2:12

Iꞌdi tahe maanti atin labaattissiye Kiriisto a atin laleehawwaale, toro miigti Waakhe Kiriisto omoot kasookahisse atin kakhuufteen ka, a atin laleesookahche.

Fiiliffi 1:29

Ulla jeente Kiriistuu, rummeysanaanki atin usu rummeysattaan kalday menye, sinati atin taham laka a atin siiche.

Fiiliffi 1:25

An wahaase tissiba gone, wihi an gardi, an ma amuute, atin tuumman a atin leefiddiya ꞌdee hamaadiin ichoow kakhuufnaanki atin Waakh kakhuuftaan kakhayma.

2 Koriinto 1:24

Anki wihi atin kakhuuftaan ka ma atin dakhanni. Iꞌdaasenyi nah hile atin leehaagginna, ꞌdee atin laka hamaaddaan. A mehe kakhuufnaanki atin Waakh kakhuuftaan ka a chuukhantahiin.

1 Koriinto 16:3

ꞌDeerka maanti an imiy ꞌdooꞌdi atin soobihisseen khadaabbeti eti icho yayyahiin tusso a siicha, siinti chilimmeti atin baayisseen khabaani ilkerengeetti weene Yeerusaleem ierga.

1 Koriinto 15:10

Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 18:18

Baawulo ilkerengeetti weene Koriinto ibeennetoo fiddiye. Saahka ꞌdooꞌdi Kiriisto rummeeste katabe, Akiila ichoow Birisiila khabaayi kooban ka boroofenhi Siiriya ikahe. Geeddi us kooban igelin, ilkerengeetti Kenkereeya ka matah lahaaꞌde, a mehe ibeenneti us Waakh idaatte a massatte.

Hilassi Ergaano 9:27

Iꞌdaasenyi Barnaba usu khaate ergaano Yeesso ikeene. Saggi sulhaassiis ka us Kamur iarge, Kamur usu ileeyyeede ichoow saggi us ilkerengeetti Damaasko ka roorro laan wor Yeesso icheeke laka ergaano icheeke.

1 Koriinto 3:6

Ani ilmo il gesse Aboollo la ilmohaas bicche kachibe. Iꞌdaasenyi, Waakhe ilinta soobahche.

Hilassi Ergaano 18:12

Maanti Gaalliyo ili Akhaaya iweynaate ka, ꞌdooꞌdi Yaꞌhuud tuumman yimiyye Baawulo khabte, kootiin ortiis geecheen.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 11:26

Chirri us Saawulo ꞌhele ka, sookhaate ilkerengeetti Antiyookhiya keene. Barnaba ichoow Saawulo guꞌhoo tuumman urur Kiriisto isꞌheleene, toro la ꞌdooꞌdi ittaawe wori Waakh mujjum abcheen. Ilkerengeetti Antiyookhiya iche abatti kolooraat ꞌdooꞌd Kiriisto lakiidah.