Hilassi Ergaano 18:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Inkoo us geeddoo intaas fiddiye ka, irte ili Galaatiya ichoow ki Furiijiya tabe abatti faajjiye.

Hilassi Ergaano 18:23 Referans Kwoze

Hilassi Ergaano 14:22

Ilkerengeetohaas ka abatti uur miigoocheene ꞌdee kakhuufnaanki icho Kiriisto kakhuufaan mujjum khucchaan. Wihi icho iyidaaheen, “Wihi massan, sinayyohi buurenye inno isoobaha dakhi Waakh kagella.”

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Hilassi Ergaano 15:32

Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.

1 'Dessaloonika 5:14

ꞌDooꞌd Kiriistokaaw, a atin hawwaassanne, ꞌdooꞌdi ollommee tootoocha. Ki roorro khabo uur miigoocha. Ki isuubaaꞌdan gargaara. ꞌDooꞌd tuumman la igarrahsada.

Galaatiya 4:14

Sarteeyti ꞌdaran kajmeti buurenye atin ititah. Eheetteey laka, atin ma iꞌdarraawin ommos ma iꞌdiiꞌdin. Saggi atin imartiisatteen, atte an a herti Waakh ommos a Yeesso Kiriisto rubeytiissa.

1 Koriinto 16:1

Toolla woriiyye an atin kaleeyyeedo a chilimmeti labaayicho, ꞌdooꞌdi Waakhe ili Yaꞌhuudiya kajiro lasiicho miinsan. Atin laka wihi an ururre Kiriistoti boroofenhi Galaatiya kajirto yeela iidah on, atin laka yeela.

1 'Dessaloonika 4:18

Taba giꞌde, yeedassa ka uur ismiigoocha.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

Galaatiya 1:2

Ani ichoow ꞌdooꞌdi Kiriisto rummeeste inta ka ileejiro tuumman a atin soobariitinne. ꞌDooꞌdi an khadaaba isoochiiro a ururre Kiriistoti boroofenhi Galaatiya kijirto.

Hilassi Ergaano 16:40

Inkoo Baawulo ichoow Siila jeela kabaheene, min Liidiya irteen ka ꞌdooꞌd Kiriisto ꞌheleene, uur miigoocheene, ꞌdeerka katabeen.

Luuka 22:43

Hertoo Waakh la goobi Waakh ka timiyye, isoobahte, miig siisse.

Luuka 22:32

Iꞌdaasenyi Siimon, an a kisooweesde ꞌdee mujjum orey isohatta ani ikakhuufta. Chirri at isoonokhatte la ꞌdooꞌdi irummeeste uure miigoossa.”

Luuka 1:3

Toollaka ani rubeyteey walah tuumman uuꞌ maanti waha yitaaheen mujjum goya a yeye, ichoowka mali an waha saggi icho iyitaaheen ikaasoochiiro gooche.

Hilassi Ergaano 2:10

ichoow ti Furiijiya ichoow ti Bambiiliya ichoow ti Miissiri ichoow yaafti ili Kureene haggeenye Liibiya layadeeh ichoow martiti ilkerengeetohi Rooma katimiy. Martitaas gaasoo

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Galaatiya 1:9

Iꞌdi goorat nah nidah u, toro toolla a adeehe, chirri etoo Wori Haaggane goorat atin khaatatteen on menye, woroo addan atin idowe, Waakh ba etaas jirtuu tuumman fala!