Hilassi Ergaano 18:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Chirri us ilkerengeetti Kaaysareya yimiy ka, kooban kasooyege ilkerengeetti weene Yeerusaleem irte urur Kiriisto bariitiche, ꞌdeerka ilkerengeetti Antiyookhiya ikhubte.

Hilassi Ergaano 18:22 Referans Kwoze

Hilassi Ergaano 8:40

Iꞌdaasenyi Fiilif inkoo us ilkerengeetti Assotos ka issookase ka, ilkerengeeto tuumman dah kagooche, Wori Haaggan cheeke ichoowka Kaaysareya eleele.

Hilassi Ergaano 25:9

Feestas laka usuhi ꞌdooꞌdi Yaꞌhuud wohoo siicho ꞌdoona, wihi us Baawulo iyidah, “A geeddi at ilkerengeetti weene Yeerusaleem iratti intaas ka orteey ka lakihukkumo?”

Hilassi Ergaano 25:1

Inkoo Feestas boroofen yimiyye maan seyyahe kutte ka, Feestas ilkerengeetti weene Kaaysareya kakahe ilkerengeetti weene Yeerusaleem irte.

Hilassi Ergaano 23:23

Eti iskar iween ꞌdeerka et lamma kooba koobbintoo iskareet itoollo wahe, wihi us iyidah, “Nyaama, iskarti kud lammee ichoow et tomon teeba faraꞌd korto ichoow et kud lamma toorar khabto ilkerengeetti Kaaysareya iratti soobahcha, ꞌdee sahaꞌd seyyahti ibeen ka a kahto.

Hilassi Ergaano 15:35

Iꞌdaasenyi Baawulo ichoow Barnaba geeddoo ilkerengeetti Antiyookhiya fiddiyeen. ꞌDooꞌdoo addane ittaawe khabaani Yeedi Kamur cheekeen.

Hilassi Ergaano 15:30

ꞌDooꞌdi leergate irte, ichoowka ilkerengeetti Antiyookhiya ka urur Kiriisto tuumman ururiche, khadaab idiibe.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 14:26

Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.

Hilassi Ergaano 13:1

Urur Kiriistoki ilkerengeetti Antiyookhiya kijiro ꞌdooꞌdoo Waákh íyeyyeedo ichoow ꞌdooꞌdoo Yeedi Waakh ꞌdooꞌd abcho goya a kijire. Icho la a Barnaba ichoow Siimiyonhi Nigeer layadeeh ichoow Luukiyohi ili Kureene kayimiy ichoow Manaayenhi gaafanahi ꞌHerood Antiiba layadeeh weyneeste ichoow Saawulo.

Hilassi Ergaano 11:11

“Chirraas on ꞌdooꞌdi seyyahenye ilkerengeetti Kaaysareya ka ani liisooergate, minki an fiddiyo kajiro sooeleele.

Hilassi Ergaano 10:24

Ibeenki kaas sooraaho ka, ilkerengeetti Kaaysareya sooeleeleen. Korneeliyo la icho suge, hiiyyiis ichoow aalassiiski us weyti ꞌdoono minkiis iwahe.

Hilassi Ergaano 10:1

Ilkerengeetti Kaaysareya ka, etoo Korneeliyo layadeehe koobbintoo iskareete, iskarti ꞌDeylaan layadeeh itoollo, a jire.