Hilassi Ergaano 18:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Chirri icho ilkerengeetti Efeesso yimaateen ka, Baawulo Birisiila ichoow Akiila intaas katabe. Baawulo minki weysiite Yaꞌhuud irte, ꞌdooꞌdi Yaꞌhuud leehawwooche.

Hilassi Ergaano 18:19 Referans Kwoze

2 Timooti 1:18

Kamur ba usu gargaara, ibeenki ꞌdaꞌddaboot Kamur usu uur isoonugleesta. Geeddi us ilkerengeetti Efeesso ka igargaare rumanka a garatta.

1 Timooti 1:3

Maanti an boroofenhi Makedooniya isohdi a kihawwaasde, ilkerengeetti Efeesso fiddiye kiidah. Efeesso fiddiita ꞌdee ꞌdooꞌdi worassi beenaate Waakh miinsan ꞌdooꞌd abcho amur ibihissa wahaas a toollicheen.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

1 Koriinto 16:8

Iꞌdaasenyi ilkerengeetti Efeesso fiddiya, ichoowka daawti Beentekos tateeh.

1 Koriinto 15:32

Chirri an saggi weeli enenyet on ꞌdooꞌdi ilkerengeetti Efeesso ka iꞌdi binaat u isjahne an iꞌdaakka mehe yeela? Chirri Waakh enenyet omoot ikasookahin, a geeddi an iꞌdi enenyet essuu, “Golossanni, farso laka danno, iꞌdi tahe saahta a tuunna,” an adeeh on gon.

Hilassi Ergaano 20:16

Baawulo la usuhi kooban ka ilkerengeetti Efeesso ikuto iche gooche. Usuhi ibeennetoo boroofenhi Aassiya fiddiyo ma ꞌdoonin. A mehe usuhi dowwa ilkerengeetti weene Yeerusaleem chirri iche tateeh ibeenki daawti Beentekos ka eleelo ꞌdoona.

Hilassi Ergaano 19:1

Aboollo ilkerengeetti Koriinto kajiraayi, Baawulo kahe il dah kagooche ilkerengeetti Efeesso gele, intaas ka abattitoo ꞌhele.

Hilassi Ergaano 18:24

Etoo Yaꞌhuudenye ili Alekisaandariya kadesse Aboollo layadeeh la ilkerengeetti Efeesso yimiy. Ulla a etoo af ka miigenye weyti Chiirnaanneti Waakh laka garti.

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Bakkaahit 2:1

“Herti Waakhe keleyenye urur Kiriistoki Efeesso itolosso waha ichiir. Waha a farniinki ki bakkaalleti teebee dahantiisti miigeet kakhuccho toro la reemassi teebeenye ꞌdahabe taa lakorcho dahticho kaassohti.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

2 Timooti 4:12

Tuuchiko la ilkerengeetti Efeesso a ierge.

Hilassi Ergaano 19:26

Atin la wihi eta Baawulo layadeeh yeelo a agartaane, toro la a isidaagtaan. Us wihi us essi a mehe ya, waakkhassi dahanti enenyet haaggicheen koloo kalday laka Waakh mee. Ilkerengeetti Efeesso ichoow boroofenhi Aassiya buurtiis ka, ꞌdooꞌdi ittaawe a baabiiche.

Hilassi Ergaano 19:17

Chirri ꞌdooꞌdi Yaꞌhuud ichoow ki Yaꞌhuud ieheynane ilkerengeetti Efeesso kajiro tuumman wahaas daage ka, weyti burꞌdowe. Magah Yeessohi Kamure la weyti liinkaanyite.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Hilassi Ergaano 18:20

Chirri icho usuhi geeddoo leefiddiyo daaheen ka, fiddi ꞌdiiꞌde.

Hilassi Ergaano 19:28

ꞌDooꞌdi bacchaarti chirri us waha daage ka weyti hollowe, riire, “Arteemisti Efeesso a weentahe!” yidah.

Hilassi Ergaano 19:35

Eti ilkerengeet ka khadaabbe chiiro urur yaasiche, wihi us yidah, “ꞌDooꞌdi Efeesso, ꞌdooꞌdi harra tuumman saggi ilkerengeetti Efeesso minki weysiite Arteemisti ween ichoow dagahti lagane serey kasoodihte iyaakhisso ma garti?

Hilassi Ergaano 20:17

Baawulo la ilkerengeetti Mileeto ka ewweenki urur Kiriistoki ilkerengeetti Efeesso woyo farniin iꞌdiiche, ꞌdee or a kasoodoween.

Hilassi Ergaano 21:29

Wihi icho iꞌdaas kayidaaheen la a jeenteti icho Turofiimohi Yaꞌhuud ieheynane ilkerengeetti Efeesso kayimiyye ilkerengeet goyaka Baawulo rarraaho iargeen. Kol Baawulo usu sookhaate uranti minki Waakhe buure keene koogyahiin.