Hilassi Ergaano 18:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ Baawulo ilkerengeetti weene Koriinto ibeennetoo fiddiye. Saahka ꞌdooꞌdi Kiriisto rummeeste katabe, Akiila ichoow Birisiila khabaayi kooban ka boroofenhi Siiriya ikahe. Geeddi us kooban igelin, ilkerengeetti Kenkereeya ka matah lahaaꞌde, a mehe ibeenneti us Waakh idaatte a massatte.

Hilassi Ergaano 18:18 Referans Kwoze

Hilassi Ergaano 21:24

Reeraas khaat giꞌde, ati rubeytaah laka daawti dikhaaleet leegele, wihi icho daawtaas kageleen igute, ꞌdee matahenyeticho a haatteen. Iꞌdaakka enenyet tuumman saggi waha liidowo ati kimiinsan tuumman been iyahiin a abta. Iꞌdaasenyi saggi at amurre Muusa mujjum iraahto a laarga.

1 Koriinto 9:20

ꞌDooꞌdi Yaꞌhuud ka iꞌdi Yaꞌhuude iskayeele ꞌdee ꞌdooꞌdi Yaꞌhuud Kiriisto ikeena. ꞌDooꞌdi amurre Muusa anatti ka la, an iꞌdi eti amurre Muusa anatti iskayeele, ꞌdee ꞌdooꞌdi amurre Muusa anatti laka Kiriisto ikeena. Iꞌdaasenyi amurre Muusa ma ianatti.

Rooma 16:1

Haaggi noole walaasseenti Fiibi layadeehe too Kiriistee miinsane an atin icheeko a jira. Iche laka urur Kiriistoki ilkerengeetti Kenkereeya ifassa.

Hilassi Ergaano 18:2

Intaas ka etoo Yaꞌhuude Akiila layadeehe ili Boontus kadesse ꞌhele. Ulla makhaabassiisti Birisiila layadeeh khabaayi, ili ꞌDeylaane kayimiy, a mehe karnati ilaase Kilaawudiyo layadeeh, iche eti Yaꞌhuude tuumman ilkerengeetti weene Rooma a kabaho yidah. Baawulo icho sooyeyin irte,

Galaatiya 1:21

Saahka boroofenhi Siiriya ichoow boroofenhi Kiliikiya irde.

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 21:3

Chirri nah kurti bicche dahcho kajirto Kuuburo layadeeh agarre ka, anki gurro tabne, ili Siiriya isohannaa. Inti ilkerengeetti Tiiro layadeeh ka iranne, bicche aficho tolossanne, koobane intaas ka meeh yagchaa.

Hilassi Ergaano 18:26

Ulla minki weysiite Yaꞌhuud ka ꞌdooꞌd roorro laan leeyyeede. Chirri Birisiila ichoow Akiila usu daageen ka, khaateene minkicho ka mujjum jiti Waakh idowdoween.

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Marko 6:46

Inkoo us icho bariitiche ka, Yeesso burroo kore, Waakh wahte.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 18:27

Maanti Aboollo ili Akhaaya ikahin ꞌdoone ka, ꞌdooꞌdi Kiriisto rummeeste ilkerengeetti Efeesso kijiro usu uur miigooche, abattiti intaas kijirto khadaab ichiireene, ꞌdee etaas a martiisteen. Maanti us intaas eleele ꞌdooꞌdi haaggi Waakhe buurenye inno imunneynan ka Kiriisto rummeeste weyti gargaare.

Hilassi Ergaano 21:23

ꞌDeerka wihi nah kidowno yeel. Inta ka et affar daatatte a khabna.