Hilassi Ergaano 18:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Iꞌdaasenyi waha a iriir ichoow magahenye ichoow yeedassi amurretiinna one, atin on haaggicha. An wahanyeyyohi iꞌdaase ka enenyet hukkumin ma ꞌdoono.”

Hilassi Ergaano 18:15 Referans Kwoze

Hilassi Ergaano 23:29

An mehe kase ya, wihi icho usu kacheektaan a wahanyeyyohi amurreti Yaꞌhuud miinsan, iꞌdaasenyi wahanyeyyohaas goya walah omoot liikagoocho ommos lakahido goya kijiro mele.

Hilassi Ergaano 25:19

Wihi icho kacheektaan tuumman a yeedichoki saggi icho Waakh iraahaan miinsan ichoow etoo Yeesso layadeehe yumuyye, Baawulo la a jira essi.

1 Timooti 6:4

weyti serey isgeechaane, walah icho gartaan la mele. Malassi suujenye khabaane, wihi ilmarhaatteet on wowworsataane, walah rumenye icho laabaan la mele. Icho la yeedassi jaakh keeno on kahawwoochaan. Waha la kalꞌdarri ichoow hol ichoow meꞌdeꞌddeel ichoow imurchoti suuje

Tiito 3:9

Iꞌdaasenyi iriirti ꞌdalam ichoow magahenyeti aacchinye ichoow jaakh ichoow amurre Muusati islaleeiriiro kaseeh. Iꞌdi tahe waha a wihi ilmarhaatteete indigir laa.

2 Timooti 2:23

Iriirti ꞌdalame khara laa goya agelin. A mehe saggi at igarattuu, wahaas jaakh on delaan.

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

Hilassi Ergaano 26:3

Kach ka la, a jeenteti ati hugummeti Yaꞌhuud ichoow wihi icho worsataan tuumman igaratti. Toollaka a kihawwaasde samacchaar on idaganso.”

Hilassi Ergaano 25:11

Chirri kootiinhi ili Rooma saggi an wohoo liikayagiis yeele gooche la, omoot ma ꞌdiiꞌdo. Iꞌdaasenyi chirri wihi ꞌdooꞌda Yaꞌhuud ikacheekti rume ikajirin, et antohi us dahanohicho ikagesso khabo mele. An Kaaysare iooya,” yidah.

Mattaayo 27:24

Chirri Bilaato saggi us wohoo iyeeline iꞌdaasenyi urur weyti iuskulaate il ibaabiicho arge ka, bicche on khaate, urur ortiis ka dahano dikhte. Wihi us yidah, “An eta wohoo rucchul laka iyeelin diiggiis ma gelo, khaata iꞌdi atin tadeehiin daha.”

Yoohana 18:31

Bilaato la wihi us iyidah, “Atin rubeytiin khaata, amurretiin ka hukkuma.” Weynaanti Yaꞌhuud la ꞌdiiꞌdde wihi iche tidah, “Nah antohi nah etoo kalday laka omoot ikagoonno ma khabno.”

Mattaayo 27:4

“An haꞌdaabe gele, a mehe an eta wohoo iyeeline atin ikeene, diiggiis gele,” yidah. Wihi icho ilaabeen, “Wahaas walah icho nah iyahiin mele! Ati on iꞌdi at tadeeh dah.”

Hilassi Ergaano 18:13

Icho la wihi icho yidaaheen, “Eta jitoo amurre buusane ꞌdooꞌd Waakh kawahda idowa!”