Hilassi Ergaano 17:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Chirri icho Baawulohi omootti lakasookaho kaayyeedo daageen ka, gaasoo kachaarteene, iꞌdaasenyi gaasoo “Atihi waha inokhatti kayeyyeeddo iche daagin ꞌdoonna,” iyidaaheen.

Hilassi Ergaano 17:32 Referans Kwoze

Hilassi Ergaano 26:8

Atinhi Yaꞌhuude, saggi Waakh ꞌdooꞌdi tuume omoot ikasookahcho wohoo liiubaaꞌdan iigoonna!”

Hilassi Ergaano 17:18

ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo.

2 Koriinto 6:2

Iꞌdi tahe wihi us essi kallaayo, “Ibeenki mujjume nabah a atin isude, toro ibeenki an atin ribo a atin gargaare.” Dagansada giꞌde ibeenki mujjume a toolla, ibeenki Waakh atin ribo a maanta.

Hilassi Ergaano 25:19

Wihi icho kacheektaan tuumman a yeedichoki saggi icho Waakh iraahaan miinsan ichoow etoo Yeesso layadeehe yumuyye, Baawulo la a jira essi.

Hilassi Ergaano 24:25

Chirra Baawulo wori wihi fissane layeelo ichoow isjeyin ichoow hukkunnaanki ibeenki ꞌdaꞌddaboote Waakh enenyet soohukkumo kayeyyeedo ka, Feelig weyti roorro gesse, Baawulo, “A geeddaas on maanta! A geeddi at iratti on. Maanti ileehaaggan a kiwaha,” iyidah.

Hilassi Ergaano 2:13

Iꞌdaasenyi enenyet gaasiiskoo a kachaarta, “ꞌDooꞌda farsoti sabiibe buurenye khaatte!” iche essa.

1 Koriinto 4:10

Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita.

Hilassi Ergaano 17:31

A mehe us ibeenki us enenyet tuumman jiti fissan ka eti us soobahsate ka hukkumo a gooche. Waakh la omoottaas us kasookahche ka enenyet tuumman a irummaache.”

Luuka 14:18

“Iꞌdaasenyi icho tuumman geeyo dowteene, ki oraat wihi us yidah, ‘Ibeennetane gosoo soogadde, gosaase irda sooyeya. Iꞌdiicha on.’

1 Koriinto 1:23

Iꞌdaasenyi nah wori Kiriistohi massalaaba lakakaahe miinsan iche enenyet icheekna. Wora la ꞌdooꞌdi Yaꞌhuud daakki tarraantarricho iyateehe, yaafohi Yaꞌhuud ieheynan ka la, wora a yeedi ꞌdalam.

Hilassi Ergaano 13:41

‘Yeya, atinha wihi Waakh yidah suujoon kacheektaan. A girmeysattaane tuuntaan. A mehe wihi an ibeenneta atin jirtaan yeelo, chirri etoo atin isoocheeke laka ma rummeysattaan!’  ”

Ibiraaniya 13:13

Maantaka inno laka Yeesso uram khariche ka iiranni, lakhaanyoti usu lakadowe, inno laka a inno lakadowo.

Ibiraaniya 11:36

Gaasoo laka a lakachaarte, laajjayyo ka lajahe, gaasoo laka biingoyyo lakahide, jeelayyo lakachibe.

Luuka 23:36

Iskare laka timiyye usu kachaaratte, farsoti sabiibe birrakhe siisse.

Luuka 23:11

ꞌHerood ichoow iskartiis ba Yeesso lakhaanyo kadoweene kachaarteen. Darfohi karnat gesseene, khaateene Bilaato ilaabeen.

Luuka 22:63

Reeri kootte Yeesso yuubicho Yeesso kachaarnaan ichoow jahnaan sookhabte.

Hilassi Ergaano 17:33

Baawulo geeddaas ka Jaldaab katabe.

1 Koriinto 15:12

Toolla wori nah atin icheekne, a ki saggi Waakh Kiriisto omoot ikasookahche miinsane, saggoh toro ꞌdooꞌd gaasoo goytiin ka Waakh ꞌdooꞌdi tuume omoot ma kasookahcho iessa?