Hilassi Ergaano 17:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Etoo kalday on ka yaafohi harra tuumman soouume ꞌdee harra tuumman furtaane, toro inti icho furtaan ichoow maanti icho furtaan a gooche.

Hilassi Ergaano 17:26 Referans Kwoze

1 Koriinto 15:22

Iꞌdi tahe enenyet tuumman jeenteti usu ichoow Aadam ba wohoo kalday iyahiin u a tuuma. Iꞌdaasu laka, Waakh enenyet tuumman jeenteti icho ichoow Kiriisto ba wohoo kalday iyahiin u enenyet tuumman jiro a siicha.

1 Koriinto 15:47

Eti oraat harra on kayimiyye, ebeere lakasoouume. Eti lammaatteet la goobi Waakhe kayimiy.

Ibiraaniya 2:3

Saggoh sina ikabahsanneey, chirri inno ribnaanki weyti haaggane Waakh inno ribo aw ikakhabin? Yeessohi Kamure rubeytiissa kolooraat ribnaanka cheeke, ꞌdooꞌdi usu daage la, saggi ribnaankaas rum iyahe inno isoocheeke.

Hilassi Ergaano 15:18

goorat archiiy waha ꞌdooꞌd idowdowe essa.

Hilassi Ergaano 14:17

Iꞌdaasenyi Waakh haaggi us yeelo ka saggi us rumanka ijiro enenyet a tuse. Hiri us atin siicho ichoow gurnaanki yeerassicho ka delo ka uuri ꞌdabakhe a atin tuste. Gololi buure la a atin siiche, rubeyohiin la hamaad buuhiche.”