Hilassi Ergaano 17:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Ulla iꞌdoo us wohoo ꞌdoonuu, dahanohi weeli enenyet ma liikafalo. A mehe usu rubeytiissa weeli enenyet tuumman jiro ichoow neebsi ichoow walah tuumman siicha.

Hilassi Ergaano 17:25 Referans Kwoze

Rooma 11:35

“Ayyo injire Waakh wohoo siiche, ꞌdee Waakkhi isooguto suga?”

Hilassi Ergaano 17:28

‘A mehe inno goytiissa kajirra, kasohanna, toro kanoolnahe.’ Iꞌdi mammahtiintoo tadeeh u, ‘Inno laka a delootiissa.’

1 Timooti 6:17

ꞌDooꞌdi weyꞌdane kamurree amurreta ibihi. Rannyaat akhabina ommos hoolahi harratane dowwa on kuto khajjeel akakhabina, iꞌdaasenyi Waakkhi wihi inno ꞌdoonno tuumman inno siicho ꞌdee inno jiroti hamaad khabto jirro kakhuufa.

Hilassi Ergaano 14:17

Iꞌdaasenyi Waakh haaggi us yeelo ka saggi us rumanka ijiro enenyet a tuse. Hiri us atin siicho ichoow gurnaanki yeerassicho ka delo ka uuri ꞌdabakhe a atin tuste. Gololi buure la a atin siiche, rubeyohiin la hamaad buuhiche.”

Mattaayo 9:13

Iꞌdaasenyi taba wihi yeeda essi wihiis abda, ‘An soorriyoti at ibihisso menye, atihi ꞌdooꞌdi addan uur inugleysatti iche ꞌdoona.’ A mehe ꞌdooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel leh.”

Mattaayo 5:45

Iꞌdaakka nyaakhuti Aabbahiinki serey jiro tateehiin. Us ꞌdooꞌdi sussuuje ichoow ki hahhaaggan ba orrah a isookorcha, ꞌdooꞌdi fiffissan ichoow ki khokkhollokkhan ba hir siicha.