Hilassi Ergaano 17:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ “Waakkhi harra ichoow wihi tuummane goya kajiro soouume, a Kamuri serey ichoow harra leh. Ulla minassi weysiite dahanohi weeli enenyet diseen goya ma fiddiyo.

Hilassi Ergaano 17:24 Referans Kwoze

Hilassi Ergaano 7:48

“Iꞌdaasenyi Waakkhi Weyti Ween minki dahanohi enenyet diseen ma fiddiyo, iꞌdi ꞌdooꞌdi Waákh íyeyyeedo yadeeh u,

Mattaayo 11:25

Yeesso chirraakka weeste wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse.

Bakkaahit 20:11

ꞌDeerka kombortoo antoote buurenye dakhane etoo kafiddiyo arge. Harra ichoow sereye ba eta ortiis kafirdeene, iꞌdaasenyi meel icho isiꞌheleen mele.

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Hilassi Ergaano 4:24

Uus icho daageen ka, icho tuummamba Waakh isleewahteene, wihi icho yidaaheen, “Kamuri Miig Tuumman Leh, ati wihi serey ichoow harra ichoow beyohi burbuure goya kajiro tuumman soouunte!

Luuka 10:21

Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Ibiraaniya 3:4

Min ba eti diso a khaba gone, iꞌdaasenyi Waakh usu walah tuumman iꞌdi icho yahiin kayeele.

Mattaayo 5:34

Iꞌdaasenyi wihi an atin iadeeh, adaatanna ba. Goobi Waakh akadaatanna, iꞌdi tahe goobi Waakh a komborti buurenye antoote Waakh.

Ibiraaniya 1:2

Iꞌdaasenyi, ibeenneta ꞌdaꞌddaboot ka, Waakh Weeliissa inno kaleeyyeede. Weeliiska a ki Waakh soobahsate walah tuumman dalho, toro la a ki Waakh usu ka harra tuumman soouume.

Yoohana 1:1

Uumaccho ka ki magahiis Yeed layadeeh a jire one, Yeed Waakhe leejire, Yeed la a Waakh ekkatiissa.

Rooma 1:19

Runta Waakh miinsane enenyet garti la a ti nyiikhsan on. Waakh rubeytiissa isoonyiikhe.