Hilassi Ergaano 17:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Baawulo khaateene, kurteti Ariyobaag ka jaldaabti tossatti igeecheen. Wihi iche tidah, “Waha husube at ꞌdooꞌd abisso iche aban ꞌdoonna.

Hilassi Ergaano 17:19 Referans Kwoze

Marko 1:27

Enenyet tuumman girmeeste. “Waha iꞌdee a mehe?” isworsate. “A yeedi husube, toro anto khabo! Ginnayyo laka amur on ibahcha, icho la yeediis raahaan.”

Hilassi Ergaano 17:22

Baawulo ꞌdeerka ꞌdooꞌdi kootte Ariyobaag ka tossati ortiis tolossate, “Mejeli Aaꞌden!” yidah. “Saggi atin jitat tuumman ka ꞌdooꞌdi waakkhassi ittaawe wahti itahiin a arga.

Hilassi Ergaano 26:1

Agiribba ꞌdeerka wihi us Baawulo iyidah, “Antohi at awtaah u isikaayyeeddo a khabta.” Baawulo la dahan ficche iꞌduu isiyeyyeede.

Hilassi Ergaano 25:22

Agiribbaha la wihi us Feestas iyidah, “An awteey u anihi eta daago a ꞌdoona.” Feestas la wihi us ilaabe, “Saahta a daagta.”

Hilassi Ergaano 24:24

Inkoo ibeennetoo kutte ka, Feelig makhaabassiisti Durasilla layadeehe inanti Yaꞌhuude khabaayi yimiy. Ulla Baawulo enenyet iꞌdiiche, chirra us kakhuufnaanki Yeesso Kiriisto lakakhuufo miinsan kayeyyeedo ka dagansate.

Hilassi Ergaano 17:20

Waha at nah icheekto, gaasoo a wihi nah injire idaagin, toollaka nahi wihi icho yahiin abanni iche ꞌdoonna.”

Yoohana 13:34

“Amuroo husube atin siicha. Taba isꞌdoona. Saggi an atin iꞌdoone, atin laka saggaas isiꞌdoona.

Mattaayo 10:18

Jeenteteey u gaafanayyo ichoow karnato atin liigeecha, atin la garti Wori Haaggan icho ichoow yaafohi Yaꞌhuud ieheynan itateehiin.

Hilassi Ergaano 17:34

ꞌDooꞌdoo rucchul la Baawulo raahe Kiriisto rummeeste. Goycho ka, koo a etoo jaldaabti toli Ariyobaagenye Diyoonissa layadeeh ichoow makhaabassoo Daamaris layadeeh ichoow ꞌdooꞌdoo addan.

Hilassi Ergaano 23:19

Eti iskar tuumman itoollo eti nugul dahan khabte khaate, ꞌdol geeche, “Mehe isoocheekin ꞌdoonta?” worsate.