Hilassi Ergaano 17:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ ꞌDooꞌdoo wihi etoo Eebikur layadeeh ꞌdooꞌd abcho raaho ichoow ꞌdooꞌdoo wihi rabittoo Siitoyig layadeeh enenyet abisso raaho leehawwooche. Gaasichokoo mehe worsateen ya, “Waha immarah yeyyeedo mehe essaan?” Gaasichokoo la mehe essaan ya, “Waakkhassi ꞌdooꞌdi yeelane woricho cheeka.” Wihi icho iꞌdaas kayidaaheen la a jeenteti Baawulo Wori Haaggane Yeesso miinsan ichoow saggi Yeesso omoot ikasookahe ikayeyyeedo.

Hilassi Ergaano 17:18 Referans Kwoze

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Hilassi Ergaano 4:2

Jeenteti ergaano ꞌdooꞌd walah iabisso iche saggi Yeesso omoot ikasookahe toro ꞌdooꞌdi tuume omoot a kasookaha icheektuu icho weyti holloween.

Luuka 11:53

Inkoo Yeesso intaas katabe ka tagaammeti amurre ichoow Farissaayo ba Yeesso weyti tirrimeene toro bolokh ka Yeesso wihi buure worsateen.

1 Koriinto 4:10

Jeente Kiriistuu nah ꞌdalamme nah lakoogyahe, iꞌdaasenyi jeenteti atin ichoow Kiriisto wohoo kalday itahiin u, kharayyo atin lakoogyahe. Nah a ꞌdaꞌddarannahe, iꞌdaasenyi atin a mimmiig, nah a nah laꞌdarraawa, atin la a atin liinkaanyita.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

Rooma 1:22

Icho rubeycho khara iskaayyeeleene, eheetteey laka ꞌdalammeti tuunte eheet.

Hilassi Ergaano 26:23

Wihi icho cheekeen, Ki Lasubhe sina lakawaaricha, toro eti oraate omoot kasookaho yateehe, ꞌdee ꞌdooꞌdiis ichoow yaafohi Yaꞌhuud ieheynan banayhi saggi Waakh icho iribo tusa.”

Marko 9:14

Chiꞌiche abattiti addan itamiit, ururi buurenye icho khaariche argeen. Tagaammeti amurre ichehi abatti leeiriirto ꞌheleen.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 5:42

Maan dakkhan uranti minki Waakhe buure ka ichoow minan ka Wori Haaggane saggi Yeesso rumanka Ki Lasubhe iyahe iche enenyet abisso toro cheekto ma ꞌdiin.