Hilassi Ergaano 17:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ ꞌDooꞌdi kootte Baawulo khaate la, Baawulo raahe ichoowka ilkerengeetti Aaꞌden eleelicheene intaas ka nokhteen. Baawulo Siila ichoow Timooti amur ibahche ꞌdee dowwa ilkerengeetti Aaꞌden ka usu a isookhayeen.

Hilassi Ergaano 17:15 Referans Kwoze

1 'Dessaloonika 3:1

ꞌDeerka inkoo nah laantiin fiddi agaafanne ka, wihi nah goonne nah leemujjume, a nahi ilkerengeetti Aaꞌden ka sooꞌhaano.

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Hilassi Ergaano 18:1

Inkoo waha kuteen ka Baawulo ilkerengeetti Aaꞌden kabahe ilkerengeetti Koriinto irte.

Tiito 3:12

Uus an Arteema ommos Tuuchiko kisooergo, dowwa ilkerengeetti Nikaboolis ka iamiit. Iꞌdi tahe ꞌdee maanti hayohi roffo yitaaheen, ilkerengeettaase anihi fiddiyo gooche.

Hilassi Ergaano 17:21

ꞌDooꞌdi ilkerengeetti Aaꞌden kajiro ichoow ꞌdooꞌdi yeelane intaas fiddiyo tuumman ayti husube us dagansati toro us kahawwoocho on menye, walah addane us haaggicho mele.

Hilassi Ergaano 17:16

Baawulo la ilkerengeetti Aaꞌden ka Siila ichoow Timooti sugaayi, weyti uur suujowe jeenteti ilkerengeettaas iyookkoyyohi waakkhakh lakayeessi ibuuhaan u.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 17:14

ꞌDooꞌdi Kiriisto rummeeste chirraas on Baawulo khaate, beyti buure afiche eleeliche, iꞌdaasenyi Siila ichoow Timooti Beeroya fiddiyeen.

Hilassi Ergaano 17:22

Baawulo ꞌdeerka ꞌdooꞌdi kootte Ariyobaag ka tossati ortiis tolossate, “Mejeli Aaꞌden!” yidah. “Saggi atin jitat tuumman ka ꞌdooꞌdi waakkhassi ittaawe wahti itahiin a arga.