Hilassi Ergaano 17:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Chirri ꞌdooꞌdi Yaꞌhuude ilkerengeetti ꞌDessaloonika kajiro saggi Baawulo ilkerengeetti Beeroya ka Yeedi Waakh icheeko abte ka, yimaateene, ꞌdooꞌd ururicheene, Baawulo isootukkicheen.

Hilassi Ergaano 17:13 Referans Kwoze

Hilassi Ergaano 21:27

Geeddi ibeen teeba kasoomassatti ka, ꞌdooꞌdoo Yaꞌhuude boroofenhi Aassiya kayimiy Baawulo minki Waakhe buure goyaka arge. Urur tuumman sootukkicheene Baawulo khabteene,

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Hilassi Ergaano 14:2

Iꞌdaasenyi ꞌdooꞌdi yaafohi Yaꞌhuude Kamur rummeysan ꞌdiiꞌde ꞌdooꞌdi addane yaafohi Yaꞌhuud ieheynan sootukkiche ichoowka ꞌdooꞌdi Kiriisto rummeeste iholloween.

Hilassi Ergaano 6:12

ꞌDeerka ꞌdooꞌd ichoow ewweenki Yaꞌhuud ichoow tagaammeti amurre sootukkicheen. Isiteefano khabteene, khaateene Jaldaabti Weene Yaꞌhuud igeecheen.

Mattaayo 23:13

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin aritti dakhi goobi Waakhe ꞌdooꞌd kahiddaane, atin rubeytiin la goobi Waakh ma gessaane, toro la ꞌdooꞌdi gelin ꞌdoono kajeyissaan.

Luuka 12:51

Atin maanta kol ani harra nebey keene koogtahiin? Mele! Iꞌdaasenyi seleyhi an ꞌdooꞌd fido iimiy.

Hilassi Ergaano 17:1

Baawulo ichoow Siila orey isohteene, ilkerengeetohi Amfifooli ichoow Aboolloniya dah kagoocheene, ilkerengeetti ꞌDessaloonika minki weysiite Yaꞌhuud kajiro geleen.

Hilassi Ergaano 17:10

Uus il ibeennowe ka ꞌdooꞌdi Kiriisto rummeeste Baawulo ichoow Siila ilkerengeetti Beeroya ierge. Chirri icho Beeroya geleen ka minki weysiite Yaꞌhuud irteen.

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.

2 Koriinto 11:26

Kolassi ittaawenye sohoti deer kijire, hawohi ꞌdulo ikhaatin leheete, chifta iigaasan leheete ꞌdooꞌdi Yaꞌhuud ichoow ki yaafohi Yaꞌhuud ieheynan ba iigaasan leheet. Ilkerengeetti ween ichoow hidaad ka ichoow beyohi burbuure ka liigaasan leheet. ꞌDooꞌd Kiriistoki beenaat laka iigaasan leheet.