Hilassi Ergaano 16:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Ibeen ka Baawulo fooltabcho ka etoo ili Makedooniya isootoollo hawwaasti, “Kaale Makedooniya amiite, nah gargaar,” idowo arge.

Hilassi Ergaano 16:9 Referans Kwoze

Hilassi Ergaano 19:21

Inkoo waha tuumman yitaaheen, Baawulo Rubeyti Munyee woytaayi wihi us gooche, chirri us ilkerengeetti weene Yeerusaleem irti, ili Makedooniya ichoow ki Akhaaya dah kagoocha. Wihi us yidah, “Inkoo an intaas irde, ilkerengeetti weene Rooma laka a sooarga.”

Hilassi Ergaano 18:5

Maanti Siila ichoow Timooti ili Makedooniya kayimaateen ka, Baawulo Yeedi Waakhe us cheeko kalday miinsate, ꞌdooꞌdi Yaꞌhuud saggi Yeesso rumanka Ki Lasubhe iyahe icheeke.

Rooma 15:26

Iꞌdi tahe urur Kiriistoki boroofenhi Makedooniya ichoow ki Akhaaya ba, baaysihi icho ꞌdooꞌdi Waakhe miskiinenye ilkerengeetti weene Yeerusaleem kagargaaraan a soobaayicheen.

Hilassi Ergaano 20:1

Chirri kowdo goote ka, Baawulo abatti soowahe, inkoo us icho uur miigooche ka, “A Waakh atin bariisti,” iyidahye, ili Makedooniya ikahe.

1 'Dessaloonika 4:10

Rumanka la ꞌdooꞌdi Kiriisto rummeeste boroofenhi Makedooniya kijiro tuumman a ꞌdoontaan. Iꞌdaasenyi ꞌdooꞌd Kiriistokaaw, a atin hawwaassanne, taba kakhaya weyti ꞌdoona.

2 Koriinto 12:7

Jeenteti wahanyeyyohaas hahhaaggane Waakh itusuu la, sarteey goya kudakkoo lagesse us ꞌdee an weyti serey isgeenne. Kudakka la a ergattiti Seytaane ijahto.

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

2 Koriinto 9:2

Iꞌdi tahe saggi atin rumanka gargaar iꞌdoontaan a garda. Anna ꞌdooꞌdi boroofenhi Makedooniya ka bihin a atin kaguꞌdde, saggi atinhi boroofenhi Akhaaya kijirtaan baaysi ka guꞌhi kute itannabatteen cheeke. Uuriinkaas haaggan la buurche a kululaache ichoowka icho laka gargaar bihine ꞌdoonaan.

2 Koriinto 8:1

ꞌDooꞌd Kiriistokaaw toolla siinti haaggi Waakhe buurenye us ururre Kiriistoti boroofenhi Makedooniya kijirto siiche iche atin isoocheekin ꞌdoonna.

2 Koriinto 7:5

A mehe maanti nah boroofenhi Makedooniya nimiy sarteenyo ma nasin. Iꞌdaasenyi ꞌdolloheenyo tuumman sina kijirte. Khareenyo jaakhe kijire goyteenyo la roorro kijirte.

Hilassi Ergaano 20:3

ilkerengeetti weene Koriinto hay seyyah fiddiye. Ulla kooban ka ili Siiriya ikahin leheet. Iꞌdaasenyi jeenteti ꞌdooꞌdi Yaꞌhuud mal igooche ꞌdee khaban iꞌdoonuu, saggi us ili Makedooniya itabo us inokhti gooche.

Hilassi Ergaano 10:30

Korneeliyo wihi us ilaabe, “Maan affar kutte, anihi sahaꞌd saagaassi maalimeete chirree minkeey goyaka Waakh wahdi iche dog laan on etoo gaaddi dakhane torrogoot khabo orteey sootolossate.

Hilassi Ergaano 10:3

Maantooka geeddi sahaꞌd saagaassi maalimeet ka, fooltabchotoo arge. Fooltabcho ka wihi us mujjum arge, a herti Waakhe itimiyye, “Korneeliyo,” itidah.

Hilassi Ergaano 9:38

Yooba la ilkerengeetti Ludda ma kadeere, ꞌdeerka chirri abatti saggi Beetero ilkerengeetti Ludda ikajiro daagte ka, et lamma ergateene, hawwaasteene, “Bal dowwa nah sooeleel!” iyidaaheen.

Hilassi Ergaano 16:10

Inkoo Baawulo fooltabcho arge ka, chirraas on tannabanne, anki Makedooniya miinsanne. Wihi nah goonne Waakh a nah wahe, ꞌdee icho Wori Haaggan icheekna.

Hilassi Ergaano 16:12

Intaas ka kahne, ilkerengeetti Fiiliffi gelle. Fiiliffi la a ilkerengeetti oraate ili Makedooniya. Makedooniya la ꞌdooꞌdi ili Roomeenye anta. Ilkerengeettaas geeddoo fiddiine.

Hilassi Ergaano 19:22

Baawulo geeddi us ibeennetoo boroofenhi Aassiya fiddiyo reeroo lammeenye kiisenye usu gargaaro ili Makedooniya iergate. Reera a Timooti ichoow Eraasta.

Hilassi Ergaano 19:29

Chirraas on riirit ilkerengeet tuumman kataaꞌhe. Urur Gaayo ichoow Aristaarkoshi Baawulo walhicho ili Makedooniya ka sooraahe khabte. Leeoryeene, inti lakagirꞌdaamo geecheen.

Hilassi Ergaano 27:2

Koobanhoo ilkerengeetti Adaramaadiya kayimiy korre. Koobanha dowwanoha ka a kahaane ꞌdee boroofenhi Aassiya ka ilkerengeetohi bey afiche kijiro tottolossata. Etoo Aristaarkos layadeehe ilkerengeetti ꞌDessaloonika kayimiy laka a nah leejire. ꞌDessaloonika la boroofenhi Makedooniya kajirta.