Hilassi Ergaano 16:5 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵ ꞌDeerka ururre Kiriisto kakhuufnaanki icho Kiriisto kakhuufaan ka uur lamiigooche toro il baryo ꞌdooꞌdi Kamur kakhuufo kasookhayme.

Hilassi Ergaano 16:5 Referans Kwoze

Hilassi Ergaano 9:31

ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Hilassi Ergaano 2:47

Waakh koolichaan. ꞌDooꞌd tuumman la icho jilhaate. Maan dakkhan la Kamur ꞌdooꞌdi us ribo a ikasookhaye.

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

1 Beetero 5:10

Waakkhi haaggi buure leh, Yeesso Kiriisto ka weynaantiisti armaanjireen a atin iwahe. Inkoo geeddoor sina atin tuhum, usu rubeytiis a atin okkhicha, kakhuufnaanki atin usu kakhuuftaan miigoocha, atin toollicha toro inti wohoo atin ikaasseehin atin gessa.

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Kolossaay 2:6

Maantaka atin Yeesso Kiriisto Kamur a kayeelatteen gone, taba giꞌde kol dakkhan usu leejira.

1 Koriinto 15:58

Maantaka ꞌdooꞌd Kiriistoki an weyti ꞌdoono, mujjum tolossada, uus wohoo rucchul laka atin sesseehin. Kol dakkhan hili Kamur tuum haaggicha. Iꞌdi tahe saggi atin igarattaan u, hili atin Kamur ihaaggissaan ki ilmarhaatteet mee.

Rooma 16:25

Waakh saaꞌdno! Us kakhuufnaanki atin Kiriisto kakhuuftaan ka atin miigoon a yabuuꞌd. Ulla Wori Haaggane Yeesso Kiriisto miinsane an cheeko ka waha yeelin a yabuuꞌd. Wora Haaggan la a ki inno awteen u iabanne, Waakh kalday on inno isoofura. Runta la a ti Waakh guꞌhassi ittaawe dagche.

Hilassi Ergaano 12:24

Iꞌdaasenyi Yeedi Waakh orey on isohte, ꞌdooꞌdi ittaawe la Yeesso rummeeste.

Ibiraaniya 13:9

Maantaka yeedi tuummane runti Waakh tabardowsane enenyet laabcho, uus jiti mujjume atin bujin. A mehe wihi indigir atin ikhabo gololi soorriyoyyoote layaham menye, a haaggi Waakhe buurenye uurassiin miigoocho.

2 'Dessaloonika 2:16

Yeesso Kiriistohi Kamureene rubeytiis ichoow Waakkhi Aabbaheenenye inno ꞌdoone, haaggiiski buurenye inno imunneynan ka armaanjireen tuumman uur inno miigooche toro la khajjeeli haaggan inno siiche ba,

1 'Dessaloonika 3:13

Kamur ba iꞌda ka uur a atin miigoocho, ꞌdee maanti Yeessohi Kamureene ꞌdooꞌdiis tuumman khabaayi soonokhti ka, Waakkhi Aabbaheene ortiis ka ꞌdooꞌdi munyeenye toro wohoo rucchul laka liikacheekan tateehiin.

1 'Dessaloonika 3:2

Toro la Timooti atin isooeregne. Us a eteenki koo Kiriisteenye, hili Waakh ka a wahalhaanya, Wori Haaggane Kiriisto miinsane ꞌdooꞌd icheeka. Usu a sooeregne, ꞌdee kakhuufnaanki atin Yeesso Kiriisto kakhuuftaan ka atin miigoocha toro la atin faajjiya.

Galaatiya 5:1

Kiriisto a inno soofure, maantaka uus inno bowꞌda itaahan. Mujjum tolola giꞌde, toro la huleesi bowꞌda uus atin lakorin.

Hilassi Ergaano 11:21

Miigti Kamur icho a leejirte, ꞌdeerka ꞌdooꞌdi ittaawe wori Kamur rummeeste toro raahe.

Hilassi Ergaano 5:14

Eheetteey laka, enenyeti buurenye Kamur rummeeste, mejel ichoow deyyeho liikasookhaye.

Hilassi Ergaano 4:4

Iꞌdaasenyi ꞌdooꞌdi ittaawenye yeedicho daage, Yeesso rummeeste. Tiri ꞌdooꞌdi Kiriisto rummeeste geeddi elif chan yitah.