Hilassi Ergaano 16:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Eti jeela iween la wihi us Baawulo iyidah, “ꞌDooꞌdi ꞌdooꞌd hukkumo farniin a sooꞌdiiche, ‘Baawulo ichoow Siila a lafuro,’ yidaaheen. Toolla kaha, nebey leeirda.”

Hilassi Ergaano 16:36 Referans Kwoze

Hilassi Ergaano 15:33

Inkoo icho geeddoo intaas fiddiyeen ka, ꞌdooꞌdi Kiriisto rummeeste icho nebey ꞌdiiche ꞌdooꞌdi goorat sooergate inokhteen.

Yoohana 14:27

Nebeye atin ikataba. Nebeytaaya atin siicha. Saggi ꞌdooꞌdi harrata nebey ꞌdooꞌd isiicho mee an nebey atin isiicho. Amalalina toro la roorro akhabina.

Hilassi Ergaano 16:27

Chirri eti jeela toorribo sookahe, us saggi afaf ifurayyihiin arge ka, kol ꞌdooꞌdi hihhidan firde koogyahee, birlabiis sooꞌhiire isigaasan leheet.

Marko 5:34

Ulla wihi us iyidah, “Inantaay, kakhuufnaanki at ikakhuufte a kisamaache gone, tab giꞌde nebey leeiro, sinati sugeer kikeene a lakasamaachee.”

Hilassi Ergaano 16:23

Inkoo icho weyti jaheen ka, jeela ka hideene, eti jeela yaakhicho amur ibahcheene mujjum a latoorribo.

Hilassi Ergaano 16:35

Saahta chirdeer ka, ꞌdooꞌdi ꞌdooꞌd hukkumo iskarticho ergate, “ꞌDooꞌdaas soofura,” yidah.