Hilassi Ergaano 16:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.

Hilassi Ergaano 16:34 Referans Kwoze

Rooma 15:13

Waakkhi khajjeel leh ba, kakhuufnaanki atin usu kakhuuftaan ka, hamaad tuumman ichoow nebey ba atin kahida, ꞌdee miigti Rubeyti Munyee atin siisso ka, khajjeeliin weyti buuraata.

Fiilemon 1:7

Et Kiriistokaaw, ꞌdooninti at ꞌdooꞌd Kiriisto ꞌdoonto weyti a ikahamaadisse, toro weyti uur imiigoosse, iꞌdi tahe at ꞌdooꞌdi Waakh uur a miigoosse.

Rooma 5:11

Waha kalday la menye, Yeesso Kiriistohi Kamureene ka Waakh a keeylajna, a mehe Kiriisto ka Waakh ankiis a inno keene.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.

Fiiliffi 4:17

An siinti chilimme mee atin kayowdi, wihi buurenye Waakh berri atin ikakhayo yowda.

Fiiliffi 4:4

Taba giꞌde, jeenteti atin ichoow Kamur ba wohoo kalday itahiin u, weyti hamaada. Toro la a adeehe, hamaada.

Rooma 5:2

Kiriisto ka ichoow kakhuufnaanki inno usu kakhuufno ka, haagga Waakhe buurenye inno ꞌhelle iche katololla. Inno la khajjeeli weynaanti Waakh inno siisso iche keeylajna.

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Hilassi Ergaano 8:39

Chirri icho bicche kasookoreen ka Rubeyti Kamur Fiilif chirraas on khaatte, eti sangꞌee la toro Fiilif ma argine, iꞌdaasenyi usu hamaad ka jitiis tabe.

Luuka 19:6

Sakkaayo la chirraakka dowwa geey kasooyage, Yeesso hamaad ka khaate goobiis ka martiiste.

Luuka 15:32

Iꞌdaasenyi a imasse chiꞌinno sukuuku bihinno hamaano, a mehe walaalaahka goorat a iꞌdi eti yumuyye toolla la a jira, goorat a baabe toolla la a soonokhte.’ ”

Luuka 5:29

Laawi saahka goobiis ka sukuukuhi buure Yeesso ibahche, ururi buurenye ꞌdooꞌdoo kooddi goocho illeh kijiraan ichoow ꞌdooꞌdoo addan icho a leegolossata.

Galaatiya 5:22

Iꞌdaasenyi Rubeyti Munyee jiroteen goyaka gurnaanki iche desso a wahanyeyyoha, ꞌdoonin, hamaad, nebey, garrahsi, uuri ꞌdabakhe, haag, kakhuufnaanki enenyet lakakhuufo,

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Hilassi Ergaano 16:35

Saahta chirdeer ka, ꞌdooꞌdi ꞌdooꞌd hukkumo iskarticho ergate, “ꞌDooꞌdaas soofura,” yidah.