Hilassi Ergaano 16:33 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³³ Ibeenkaas goya on eti jeela iween icho khaate, jiissicho dikhe, ꞌdeerka chirraas on usu ichoow minkiis tuummamba labaattissiye.

Hilassi Ergaano 16:33 Referans Kwoze

1 Koriinto 1:16

Aa, waha laka a kasooꞌhele, min Isteefana laka ani baattissiye. ꞌDooꞌda on menye, et addane an baattissiye an kasooꞌhelo mele.

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Hilassi Ergaano 16:25

Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Hilassi Ergaano 16:23

Inkoo icho weyti jaheen ka, jeela ka hideene, eti jeela yaakhicho amur ibahcheene mujjum a latoorribo.

Luuka 19:9

Yeesso la wihi us Sakkaayo ilaabe, “Gooba maalinka Waakh a ribe. Iꞌdi tahe eta laka rumanka a hiiy Aburaaham.

Mattaayo 3:6

Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.

Hilassi Ergaano 16:32

ꞌDeerka usu ichoow eti minkiis kajiro tuumman Yeedi Kamur icheekeen.

1 Beetero 3:21

Biccheha la mehe itoollaan ya, baattissiyoti toolla atin laka atin ribto. Baattissiyota la wohoo sartiin chaafo kabahcho menye, a rubeyti wahanyeyyohi Waakh ka suujoon inno ikacheekan. Baattissiyota la Yeesso Kiriistohi omoot kasookahe ka a atin ribta.