Hilassi Ergaano 16:31 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³¹ Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.”

Hilassi Ergaano 16:31 Referans Kwoze

Yoohana 1:12

Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.

Yoohana 3:36

Eti tuummane Weeli Waakh rummeeste, jiroti jirtuu imassan a khaba. Iꞌdaasenyi eti tuummane Weeli Waakh ꞌdiiꞌdo jiro ma khabo. A mehe holi Waakh usu a fuula.”

Marko 16:16

Eti rummeesti toro labaattissiyo, a lariba. Iꞌdaasenyi eti irummeysan Waakh uskeel a igoocha.

Galaatiya 3:26

Kakhuufnaankaas atin Yeesso Kiriisto kakhuufteen ka, atin tuumman a nyaakhuti Waakh.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Galaatiya 3:22

Iꞌdaasenyi Chiirnaanneti Waakh mehe cheekta ya, uskeel weeli enenyete harra tuumman a hide, ꞌdee ꞌdooꞌd Kiriisto ayyinti Waakh gooche, kakhuufnaanki Yeesso Kiriisto lakakhuufo ka ꞌhela.

Hilassi Ergaano 15:11

Mele! Wihi inno rummeysanni a innohi haaggi buurenye inno imunneynane koo Yeessohi Kamureene ka inno laribe. Icho laka a iꞌdaas on.”

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Hilassi Ergaano 16:32

ꞌDeerka usu ichoow eti minkiis kajiro tuumman Yeedi Kamur icheekeen.

Yoohana 6:47

“Rume atin icheeka, eti tuummane ani irummeesti, jiroti jirtuu imassan a khaba.

Yoohana 6:40

Iꞌdi tahe wihi Aabbaheey ꞌdoono a mehe ya, a usuhi eti ani iarge toro irummeeste tuumman jiroti jirtuu imassan ꞌhelo. Anna ibeenki ꞌdaꞌddaboot icho tuumman omoot a kasookahcha.”

Galaatiya 3:14

Us a inno gatte ꞌdee imaalnaanki goorat Waakh Aburaaham imaale, yaafohi Yaꞌhuud ieheynan laka Yeesso Kiriisto ka imaala, ꞌdee kakhuufnaanki inno Kiriisto kakhuufno ka, ayyinti Rubeyti Munyeenye goorat Waakh gooche ꞌhella.

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Rooma 11:16

Chirri goonanki oraate makaate Waakh liibahche munya yahe, makaatetaas tuumman a munya gon. Toro la chirri hiiyyassi geey munya yahiin, liikhimohi geeyaas a munya gon.

Hilassi Ergaano 8:36

Jit ka ꞌdulaani bicchehoo ꞌheleene eti sangꞌee la wihi us yidah, “Yey, bicche kallaayo! A iꞌdoh ani liibaattissiyin?”