Hilassi Ergaano 16:30 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁰ ꞌDeerka Baawulo ichoow Siila khar isoobahche, “Era, mehe yeela ꞌdee Waakh iriba?” worsate.

Hilassi Ergaano 16:30 Referans Kwoze

Hilassi Ergaano 2:37

Enenyet uus yeedaas daage, yeed rumanka khaniine, wihi us Beetero ichoow ergaanoti addan worsate, “Yaafeey mehe yeello?”

Hilassi Ergaano 22:10

“Anna wihi an worsade, ‘Kamur mehe yeelo?’ “Kamur la wihi us iyidah, ‘Kahe, ilkerengeetti Damaasko iro, ꞌdee intaas ka wihi Waakh kiabbire at yeesso a lakisoocheeko.’

Hilassi Ergaano 14:15

“Era iꞌda ayeelina. Nah laka iꞌdiin u a weeli enenyet on. Nah Wori Haaggan on atin icheekna, ꞌdee waakkhassi ilmarhaatteete atin wahattaan urgiyissaane, Waakkhi jiro wahattaan. Ulla a Waakkhi serey ichoow harra ichoow beyohi burbuure ichoow wihi tuummane goyahicho kajiro soouume.

Luuka 3:10

Urur wihi us Yoohana worsate, “Mehe ꞌdeerka yeello?”

Mattaayo 3:8

Taba gurnaanki saggi rumanka atin uskeel ikasoonokhatteen tuso dela.

Yaakoobo 2:13

Iꞌdi tahe eti ꞌdooꞌdi addan uur ikanugleysan, Waakh maanti us ꞌdooꞌd hukkumo laka usu uur ma inugleesti. Iꞌdaasenyi, eti ꞌdooꞌdi addan uur inugleesti maanti lahukkumo, walah us karooro mele.

Hilassi Ergaano 16:24

Eti jeela yaakhicho la, chirri us yeedaas daage ka, khaate, jeela goyaka minki goyaatteet gesse, gurtunki buure luhlo gesse, kahide.

Hilassi Ergaano 16:17

Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 9:6

Toollaka kahe ilkerengeet gele ꞌdee wihi at yeesso a lakicheeko.”

Mattaayo 5:7

ꞌDooꞌdi Waakh imaalo, a ki uur nugul, Waakh icho uur a inugleestaa.