Hilassi Ergaano 16:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Inkoo icho weyti jaheen ka, jeela ka hideene, eti jeela yaakhicho amur ibahcheene mujjum a latoorribo.

Hilassi Ergaano 16:23 Referans Kwoze

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

2 Timooti 2:9

Jeenteti an icheekuu la sina a ikawaarta, iꞌdi eti wohoo uskul yeeluu a hidanahe. Iꞌdaasenyi Yeedi Waakh ma hidan.

Fiilemon 1:9

Iꞌdaasenyi ꞌdoonin Kiriisto ka, samacchaar on kihawwaasda. Ani a Baawulo kola a araarrowe, toro la jeente Yeesso Kiriisto jeela ikajira,

Efeesso 4:1

Ani hili Kamure an haaggicho, iche toolla jeela ikajira. Maantaka a atin hawwaasdee, taba jiroti ꞌdooꞌdi Waakh wahe imasse jira.

Efeesso 3:1

Jeenteti wahaas tuumman u, ani Baawulo iroonoti atinhi yaafohi Yaꞌhuud ieheynane an Yeesso Kiriisto ikahilo iche jeela ikijira.

Hilassi Ergaano 16:36

Eti jeela iween la wihi us Baawulo iyidah, “ꞌDooꞌdi ꞌdooꞌd hukkumo farniin a sooꞌdiiche, ‘Baawulo ichoow Siila a lafuro,’ yidaaheen. Toolla kaha, nebey leeirda.”

Hilassi Ergaano 16:27

Chirri eti jeela toorribo sookahe, us saggi afaf ifurayyihiin arge ka, kol ꞌdooꞌdi hihhidan firde koogyahee, birlabiis sooꞌhiire isigaasan leheet.

Hilassi Ergaano 12:18

Baryo ka, iskarti Beetero toorribto mal gele, jeenteti wihi Beetero kayitah u.

Hilassi Ergaano 12:4

Inkoo Beetero jeela lagesse, Beetero a lakhaate iskarti toorribto rabit affarenye rabite ba la et affar tahe liigeeche ꞌdee toorribta. ꞌHerood la mehe ꞌdoona ya, usuhi Beetero inkoo daawti Baasakka kutte ꞌdooꞌd tuumman ortiis ka hukkumo.

Hilassi Ergaano 9:2

ulla khaadaabbeti us ꞌdooꞌdi minassi weysiite ilkerengeetti Damaasko iwewween ileeirti ꞌdee eti us yahe cheekto daahe. ꞌDeerka chirri us ꞌdooꞌdi jit Yeesso raaho ꞌhele, mejel ommos deyyeho eheetteey ka ba, a sookhabta ilkerengeetti weene Yeerusaleem keena.

Hilassi Ergaano 8:3

Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.

Hilassi Ergaano 5:23

“Chiꞌ nah jeela iranni, iskarti afaf yaakhisso a tolossa one, min la afaf mujjum on hidanyihiin. Iꞌdaasenyi chiꞌ nah furro, nah goya gello, weeli enenyet min goya ma kijiro!”

Hilassi Ergaano 5:18

Ergaano sookhabatte jeelati ilkerengeeteet ka hidde.

Luuka 21:12

“Iꞌdaasenyi geeddi waha tuumman iitaahan a atin khabtaane, sina atin omhichaan. Minassi weysiite Yaꞌhuud ka atin lahukkuma toro jeelayyo atin lageecha. Karnatte ichoow gaafanayyo atin liigeecha, waha tuumman la a jeenteti atin abattiteey itahiin.

Mattaayo 26:48

Eta Yeesso ꞌdub goocho la mehe urur iskakhabeen ya, “Eti ꞌdee an dongade, a usu, khabda.”

Bakkaahit 1:9

Ani a Yoohanahi iꞌdiin u ani ichoow Kiriisto wohoo kalday nahe. Sina inno loomhicha. Inno a garrahsanna. Inno tuumman la dakhi Waakh a iskaleejirra. Wahaas dakkhan a isleegisanna. ꞌDeerka jeenteti an Yeedi Waakh ichoow runti Yeesso miinsan icheeko, iche kurti bey goya kijirto Baatimos layadeeh liigeeche.

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

2 Koriinto 11:23

An saggi sirgo iyeyyeeda. Icho a ilbooyye Kiriisto? An ilbooy ka icho a kuta. ꞌDirihichooda hili miige haaggiche, ꞌdirihichooda jeela ka liihide, ꞌdirihichooda laajja ka liijahe, ꞌdirihichooda liigaasan leheet laka.