Hilassi Ergaano 16:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Urur tuumman la jaakh ka leekahe, ꞌdooꞌdi wewween la amuri Baawulo illeh darfo lakabahcho lajaho bahche.

Hilassi Ergaano 16:22 Referans Kwoze

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Ibiraaniya 11:36

Gaasoo laka a lakachaarte, laajjayyo ka lajahe, gaasoo laka biingoyyo lakahide, jeelayyo lakachibe.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.

Hilassi Ergaano 18:12

Maanti Gaalliyo ili Akhaaya iweynaate ka, ꞌdooꞌdi Yaꞌhuud tuumman yimiyye Baawulo khabte, kootiin ortiis geecheen.

Hilassi Ergaano 17:5

Iꞌdaasenyi ꞌdooꞌdi Yaꞌhuud inaaf gele, ꞌdeerka ꞌdooꞌdoo sussuuje sokko ka soobaayicheene, ururi suuje yitaaheene ilkerengeet tuumman wereericheen. Minki etoo Yaason layadeeh dihte, kol Baawulo ichoow Siila minkaas kijiraane koogyihiine, ꞌdee reeraas khaatta enenyet igeessa.

Hilassi Ergaano 16:37

Iꞌdaasenyi Baawulo wihi us iskar iyidah, “Chirri ꞌdooꞌdi Rooma nah liiekkaacho laka, icho ꞌdow on ka nah jaheene, toro jeela nah geecheen. Toollaka toro dagsi nah kabahchaan? Mele! Icho rubeycho a yimaateene, a nah bahcheen.”

Hilassi Ergaano 5:40

Yeed Gamaliyeel malicho urgiyiche. Ergaano min goya iwaheene, lajahe. ꞌDeerka amur ibahcheen, uus icho yombuu toro magah Yeesso kaayyeedin. ꞌDeerka laꞌdiiche.

Mattaayo 27:26

Bilaato ꞌdeerka Barraba icho isoofure. Iꞌdaasenyi amuri Yeesso lakadoocho toro massalaaba lakakaaho bahche.

Mattaayo 10:17

ꞌDooꞌda yuubsada, jaldaabohi Yaꞌhuude atin igeechaane, minassichoki weysiit ka atin jahaan.

Luuka 12:11

“Chirri minassi weysiite Yaꞌhuud ommos weynaan ichoow ꞌdooꞌdi anto leh ortiis atin lakeeno ꞌdee atin lahukkumo, saggi atin isikaayyeeddaan ommos wihi atin sootadeehiin akawaꞌdwaaꞌdina.