Hilassi Ergaano 16:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Chirri ꞌdooꞌdi inanti bowꞌdee leh saggi icho kola khajjeeli icho chilimme kaꞌhelaan ikhabin kase ka, Baawulo ichoow Siila khabteene, khaateene, inti lakoororsati ka, ꞌdooꞌdi intaas ka ꞌdooꞌd hukkumo igeecheen.

Hilassi Ergaano 16:19 Referans Kwoze

Hilassi Ergaano 21:30

Ilkerengeet tuumman wereerte, ꞌdooꞌd tuumman la meel tuumman ka isleesoorye. Baawulo khabteene, minki Waakhe buure khariis ijiiteen. Chirraas on arto lahide.

Hilassi Ergaano 17:6

Iꞌdaasenyi chirri icho waayeen ka, Yaason ichoow ꞌdooꞌdoo Kiriisto rummeeste khabteene, il kajiiteene, ꞌdooꞌdi ilkerengeet iwewween igeecheen. Riireene, “Reera harra tuumman sina a ikeene, toro toolla ilkerengeetteen laka a yimaateen,” yidaaheen.

2 Koriinto 6:5

A nah lajahe, jeela nah lagesse, ururi il baabiicho nah jahe, hili weyti buure haagginne, urꞌdumme waayne, ankaane.

Hilassi Ergaano 16:16

Maantooka, nahi inti lakaweesti isohanni, inantoo bowꞌdeenye ginna dakhatti, ginna la miigti iche wihi sooyateeh kacheekto siisso, nah ꞌhesse. Iche la ꞌdooꞌdi iche ifasso jeenteti iche wihi sooyateeh icheekto on u, a kamurroosse.

Hilassi Ergaano 8:3

Iꞌdaasenyi Saawulo urur Kiriisto massin ꞌdoona, kolba minkoo gela mejel ichoow deyyeho sookhabta sookhaata jeela gessa, hida.

Hilassi Ergaano 15:26

Barnaba ichoow Baawulo la jeenteti hil Yeesso Kiriistohi Kamureene u jiroticho adahe gateen.

Hilassi Ergaano 14:19

ꞌDooꞌdoo Yaꞌhuude ilkerengeetti Antiyookhiya ichoow Ikooniyo kayimiy la yimiyye ꞌdooꞌd ankicho isoolaabeene, ichoowka Baawulo dagah kachibeen. Kol us yumuyye koogyahiine ꞌdeerka ilkerengeet khariche ijiiteen.

Hilassi Ergaano 14:5

ꞌDooꞌdoo yaafohi Yaꞌhuud ieheynan ichoow ꞌdooꞌdoo yaafohi Yaꞌhuude ichoow weynaanticho ba dagsi ka isleetossateene, mali icho ꞌdee ergaano sina kawaarichaane toro dagah kachibaan goocheen.

Hilassi Ergaano 9:16

Anna sinati usu latuso jeenteti us keey iyahuu iche tusa.”

Marko 13:9

“Atin rubeytiin laka yuubsada. Jaldaabohi Yaꞌhuude atin liidiiba, minassi weysiite Yaꞌhuud ka atin lajaha. Jeenteteey u, gaafanayyo ichoow karnatte atin liigeecha atin liicheekta, atin la garti Wori Haaggan tateehiin.

Mattaayo 24:9

“Maantaas a atin ladiiba, ꞌdee sina atin loomhicha, toro atin layagiis. ꞌDooꞌdi harra tuumman la a atin ꞌdiiꞌda jeenteti atin abattiteey itahiin u.

Yaakoobo 2:6

Iꞌdaasenyi atin miskiino lakhaanyo a kadowteen. Kamurre menya sina atin kawaarisso? Toro la icho menya kootiin atin geesso?

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

1 Timooti 6:10

A mehe ꞌdooninti chilim weyti laꞌdoono iche suujoon tuumman dessa. ꞌDooꞌd gaasoo chilim rirrihaayi ichoowka wori Kiriisto miinsane goorat icho kakhuufaan kabaabeene toro la oytinti buure laka isikeeneen.

Hilassi Ergaano 15:40

Iꞌdaasenyi Baawulo Siila soobahsate kahe. ꞌDooꞌdi Kiriisto rummeeste icho Waakh iwahe, dahanohi haaggi Kamure buure gesseen.

Hilassi Ergaano 16:20

ꞌDooꞌdi Rooma intaas ka ꞌdooꞌd hukkumo igeecheene, “ꞌDooꞌda a Yaꞌhuude, toolla la ilkerengeettaanya sina ikeenaan,” iyidaaheen.

Hilassi Ergaano 16:25

Geeddi ibeene il ekka seley kagowe ka, Baawulo ichoow Siila Waakh wahteene, geeyohi Waakh laka dowteen. ꞌDooꞌdi addane hidan la a dagansata on.

Hilassi Ergaano 16:29

Eti jeela iween banay a lasookhaato yidahye, soonyaame, usuhi hamar ka seeho Baawulo ichoow Siila orcho ka jilbo il kaguꞌdde.

Fiiliffi 1:30

A mehe holi goorat an kijire atin agarteen, a ki atin laka kijirtaan. Toro la saggi an toolla laka holaas ikijiro a daagteen.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.