Hilassi Ergaano 16:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Riirtaayi nah ichoow Baawulo nah sooraahte, riirte, “ꞌDooꞌda a falfayyohi Waakkhi weyti ween! Saggi atin liiribo, iche atin icheekaan,” elatte.

Hilassi Ergaano 16:17 Referans Kwoze

Yoohana 14:6

Yeesso wihi us ilaabe, “An a jit, an a rum, an a jiro. Eti ani ileeyimiy on menye, et Aabbaheey iyamiit mele.

1 Beetero 2:16

Saggi ꞌdooꞌdi lasoofure ijira. Iꞌdaasenyi furnaankaas atin lasoofure akagirꞌdaamina suujoon ayeelina. Saggi falfayyohi Waakh ijira.

Marko 5:7

Deeddi us yabuuꞌd dakkhan riire, “Yeesso, weeli Waakkhi weynaan tuumman tiis tahe, at mehe ikaꞌdoonta? Magahi Waakh ka daato, bolokh iitusin!”

Luuka 4:41

Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.

Luuka 4:34

“Wooy! Yeessohi Naasaret, nah katab!” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy,” yidah.

Luuka 1:79

ꞌdee ꞌdooꞌdi mugꞌdihi omooteet goya kajiro serey ka banay sootusa, inno yaakhicha, jiti nebeyeet inno gata.”

Hilassi Ergaano 19:13

ꞌDooꞌdoo Yaꞌhuud a sossohta ꞌdooꞌdi ginnayyo dakhtaan ginnayyo kabahchaane, magah Yeessohi Kamurenye lawaho ka ginnayyo bihin leheet. Wihi icho ginnayyo iyadeehiin, “Antohi magah Yeessohi Baawulo woriis cheeko ka amure kibahcha, soobah.”

Hilassi Ergaano 18:26

Ulla minki weysiite Yaꞌhuud ka ꞌdooꞌd roorro laan leeyyeede. Chirri Birisiila ichoow Akiila usu daageen ka, khaateene minkicho ka mujjum jiti Waakh idowdoween.

Luuka 20:21

ꞌDooꞌda ꞌdegeye wihi us Yeesso worsate, “Eti ween! Saggi at wihi rummaat ikaayyeeddo toro enenyet iabisso a garanna. Toro la enenyet seley ma sassaahto, iꞌdaasenyi jiti Waakhe at enenyet abisso ichoow runti Waakh a israahaan.

Luuka 1:77

uskeelichoki liikakuto ka, ꞌdooꞌdiis saggi Waakh iribo abissa.

Marko 12:14

ꞌDooꞌd Yeesso iyimiyye, wihi us iyidah, “Eti ween, nah saggi at rum ikanokhan a garanna. At et at ibaasso mele, weyneetteey ichoow kuus ka ba. Iꞌdaasenyi jiti Waakhe at enenyet abisso ichoow runti Waakh a israahaan. Kaaysarhi weene kooddi liiguto a mujjum a bal mujjum mee?

Marko 1:24

“Wooy! Yeessohi Naasaret, ati mehe nah kaꞌdoonta?” yidah. “Nahe nah massin timiy? Ani alah eti at tahe a garda, at a Ki Munyeenye Waakh kayimiy!”

Mattaayo 22:16

Abattitiche ichoow ꞌdooꞌd ꞌHerood koo Yeesso iergateen. Iche la wihi iche tidah, “Eti ween, nah saggi at rum ikanokhan a garanna. Jiti Waakhe at enenyet abisso ichoow runti Waakh a israahaan. At et at ibaasso mele, weyneetteey ichoow kuus ka ba.

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Luuka 8:28

Eta uus Yeesso arge ka uuwwiche, Yeesso ortiis ka il iskaguꞌdde, weyti riire wihi us yidah, “Yeesso, weeli Waakkhi weynaan tuumman tiis tahe, at mehe ikaꞌdoonta? A kihawwaasde, bolokh iitusin!”

2 Beetero 2:2

ꞌDooꞌdi buure la sohoꞌddarriti ꞌdooꞌda yeelo raaha, jiti rummaat igafa.