Hilassi Ergaano 16:15 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁵ Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Hilassi Ergaano 16:15 Referans Kwoze

Hilassi Ergaano 11:14

‘Ulla farniine kikeena, farniinkaas ka ati ichoow minkaah tuumman a atin lariba,’ itidah.

Ibiraaniya 13:2

Goobassiin ka, ꞌdooꞌdi atin igaranne atin martiisattaan laka kasooꞌhela. A mehe ꞌdooꞌdoo saggaas on u garrawwaayyo ka herti Waakh a martiiste.

Hilassi Ergaano 16:33

Ibeenkaas goya on eti jeela iween icho khaate, jiissicho dikhe, ꞌdeerka chirraas on usu ichoow minkiis tuummamba labaattissiye.

Luuka 24:29

Iꞌdaasenyi soojeycheene wihi icho iyidaaheen, “Kaale a isleebariino orrahe kola a dihtee.” Ulla ꞌdeerka irte icho leefiddiye.

3 Yoohana 1:8

Maantaka inno rubeyteen ꞌdooꞌda wihi us ꞌdoono siinno giꞌde. Iꞌdaakka la runti Waakhe icho cheekaan a isleegargaarra.

3 Yoohana 1:5

Aaleeyki an weyti ꞌdoono, ꞌdooꞌdi Kiriisto rummeeste sossohti yeed Kiriisto cheeko at gargaarto ka, at a eti lakakhuufo, chaꞌat icho igaran laka.

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

Fiilemon 1:17

ꞌDeerka chirri rumanka at ani hil Kiriisto ka iꞌdi wahalhaah ikhaatto, Oneesmo saggi kootte at ani imartiisatti imartiiso.

Fiiliffi 1:7

Ani uure atin kakhaba gone, a mujjum chirri an iꞌdaasu atin tuumman atin kamaldi. A mehe chaꞌan hidanahe ommos kootiin ka saggi Wori Haaggan rum iyahe ꞌdooꞌd icheeko, atin tuumman hila haaggi Waakhe buure a ileegisantaan.

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Galaatiya 6:10

Maantaka, maambaaw inno jitoo ꞌhelle, enenyet tuumman haag iyeello. Kach ka la, ꞌdooꞌdassi Kiriisto rummeeste haag iyeello.

2 Koriinto 12:11

An eti ꞌdalamenye iskayeele, iꞌdaasenyi atine iholissseen. Atine kootte incheenka haaggeey tuumman cheektaan. A mehe an walah an ahe mele. Eheetteey laka chiꞌ ergaanota a khukkhummantahe leessi liikeekkaacho, meel an icho kaankhanahe mele.

2 Koriinto 5:14

Saggi Yeesso Kiriisto meessi enenyet tuumman ikayumuy a tissibna. Jeentetuu ꞌdoonin Kiriisto inno dakhatta. Inno tuumman a iꞌdoo inno tuunne, jiroti oraat ma inno dakhatti.

Rooma 16:23

Gaayohi an leefiddiye urur Kiriisto minkiis ka kulmo a atin soobariitiche. Eraastahi chilimmeti ilkerengeeteet khuccho ichoow eteenki koo Kiriisteenye Kuwaarto layadeeh a atin soobariiticheen.

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Hilassi Ergaano 8:38

Ulla amur bahche garruhi faraꞌde jiitto a latoollicho. Fiilif ichoow eti sangꞌee ba bicche goya iyageene Fiilif la usu baattissiye.

Hilassi Ergaano 8:12

Iꞌdaasenyi chirri icho Wori Haaggane dakhi Waakh ichoow Yeesso Kiriisto miinsane Fiilif cheeko rummeesteen ka, mejel ichoow deyyeho ba labaattissiye.

Luuka 14:23

“Eti kamure wihi us ilbooyiis iyidah, ‘Nyaam jitassi babballaaddan ichoow jitassi juukhe iro, ꞌdooꞌd hawwaasso ꞌdee minkeey a buuhsamo.

Mattaayo 10:41

Eti tuummane eti Waákh íyeyyeedo jeenteeti us eti Waákh íyeyyeedo iyahuu martiiste, Waakh kalaꞌddi us eti Waákh íyeyyeedo guto, iche etaas addan laka guta. Toro la, eti etoo fissan jeenteti us ifissanyahuu martiiste, Waakh kalaꞌddi us etaas fissan guto, iche etaas addan laka guta.

Mattaayo 3:6

Eti tuummane uskeeliis Waakh icheekte la, Yoohana hawti Yoordane ꞌdusso ka baattissiye.

Hilassi Ergaano 16:31

Wihi icho ilaabeen, “Yeessohi Kamure rummeyso, ꞌdee ati ichoow minkaah tuummamba a atin laribaa.”

Hilassi Ergaano 16:34

Eti jeela iween icho minkiis geeche, gololoo icho yamhiin siiche. Usu ichoow minkiis jeenteti icho Waakh irummeesteen u weyti hamaadeen.