Hilassi Ergaano 16:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Deyyehoti nah dagansatte goyaka too a makhaabassoo Liidiya layadeehe, ilkerengeetti weene ꞌDiyaaꞌdira katimiyye darfohoo mummuggeyyee ororisso. Iche la Waakhe wahatta, Kamur la uuriche fure, ꞌdee wihi Baawulo essi iyoꞌhatta.

Hilassi Ergaano 16:14 Referans Kwoze

Luuka 24:45

Ulla ꞌdeerka malicho fure ꞌdee wihi Chiirnaanneti Waakh goya kachiiran a abteen.

Bakkaahit 3:20

An kalla! Ani min khariissa toolla, atin waha. Chiꞌ etoo hooyeey daage, min isoogesse, an a soogela, lammateenyo isleegolossanna.

Rooma 9:16

Maantaka chirri Waakh etoo uur isoonugleesti wahaas saggi etaas iꞌdoono ommos saggi etaas hol idowo ma iyateehiine, jeenteti Waakh etaas ikasoonaho on iyateehiin.

Fiiliffi 2:13

A mehe Waakhe malassiin woya ꞌdee wihi usu kahamaadicho ꞌdoontaane, toro la yeelin tabuuꞌdiin.

Hilassi Ergaano 11:21

Miigti Kamur icho a leejirte, ꞌdeerka ꞌdooꞌdi ittaawe wori Kamur rummeeste toro raahe.

Bakkaahit 3:7

“Herti Waakhe keleyenye urur Kiriistoki Filadeelfiya itolosso waha ichiir. Waha a farniinki ki munyeenye toro rum leh. A usuhi furoti antoote too karnati Dawuude khuccho. Wihi us furo et hidin yabuuꞌd mele, wihi us hido la et furin yabuuꞌd mele.

Hilassi Ergaano 18:7

Baawulo ꞌdeerka minki weysiit kabahe, minki etoo Tiitiyo Yaasto layadeehe minkiis minki weysiit khuccho irte. Eta la a etoo weyti Waakh karooro.

Bakkaahit 1:11

Hooyaas la wihi us yidah, “Wihi at sooagarto khadaaboo layuubo kachiire, ururre Kiriistoti ilkerengeetohi teebee kijirto iereg. Ururreta teebee la a ururi Efeesso ichoow ki Simiriina ichoow ki Bergamum ichoow ki ꞌDiyaaꞌdira ichoow ki Sardi ichoow ki Filadeelfiya ichoow ki Lawodeechiya.”

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Hilassi Ergaano 8:27

Ulla kahe irte. Jit ka etoo ili Saaꞌdaame sangꞌee ꞌhele, ulla a etoo khummane chilimmeti makhaabassi karnatenye ili Saaꞌdaam dakhatti Kandake layadeeh tuumman khuccho. Ulla ilkerengeetti weene Yeerusaleeme irte, Waakh wahte.

Yoohana 12:20

ꞌDooꞌdi daawti Baasakka ka irte ilkerengeetti weene Yeerusaleem ka Waakh wahte, ꞌdooꞌdoo yaafohi Yaꞌhuud ieheynan laka goycho a kijire.

Hilassi Ergaano 13:43

Inkoo ꞌdooꞌd minki weysiit kabahe ka, ꞌdooꞌdi Yaꞌhuude ittaawe ichoow ki wihi ꞌdooꞌdi Yaꞌhuud wahti rumanka iurgiye Barnaba ichoow Baawulo sooraahe. Baawulo ichoow Barnaba la leeyyeedeene, hawwaasteene, ꞌdee mujjum haaggi Waakhe buure a raaheen.

Hilassi Ergaano 13:50

Iꞌdaasenyi ꞌdooꞌdoo Yaꞌhuud deyyehoti Waakh karoorto magah khabto ichoow mejeli ilkerengeet ka weynaan leh sootukkicheen. Baawulo ichoow Barnaba sina omhin sookhabteene ichoowka ilicho kariheen.

Hilassi Ergaano 16:40

Inkoo Baawulo ichoow Siila jeela kabaheene, min Liidiya irteen ka ꞌdooꞌd Kiriisto ꞌheleene, uur miigoocheene, ꞌdeerka katabeen.