Hilassi Ergaano 16:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene.

Hilassi Ergaano 16:13 Referans Kwoze

Hilassi Ergaano 13:14

Ilkerengeetti Beerga kakaheene ilkerengeetti Antiyookhiya boroofenhi Bisiidiya kijirto irteen. Seeri Lanaso ka minki weysiite Yaꞌhuud geleene orronteen.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Hilassi Ergaano 21:5

Iꞌdaasenyi maanti ibeenkeenyo massate ka kahne, orey isohanne. ꞌDooꞌd tuumman la deyyehoticho ichoow nyaakhut khabaayi nah sooraahe, ilkerengeet nah kaleebahe. Bicche aficho ka nah tuumman icho khabnaayi jilbo il kaguꞌdubne, Waakh wahanne.

Hilassi Ergaano 20:7

Ibeenki oraate teebataas ka isinimiy, ꞌdee gololi Kamure isleenahame, toro omoot Yeesso kasooꞌhellaa. Baawulo ꞌdooꞌd Yeedi Waakh icheeke ichoowka ibeen ekka seley kagowe, iꞌdi tahe usuhi ibeenki kaas sooraaho kaho ꞌdoonaa.

Hilassi Ergaano 18:4

Seeri Lanaso tuumman la minki weysiite Yaꞌhuude irte ꞌdooꞌdi Yaꞌhuud ichoow ꞌdooꞌdi Yaꞌhuud ieheynan, wori Waakh icheeke anki Waakh isoojiite.

Hilassi Ergaano 17:2

Baawulo la iꞌdi orran us yeeluu irte, minki weysiit irte. Intaas ka teeba seyyah issoorahto Seeri Lanaso tuummamba leejire, wihi Chiirnaanneti Waakh tadeeh idowdowe,

Hilassi Ergaano 16:6

Jeenteti Rubeyti Munyee ichohi boroofenhi Aassiya Wori Haaggan kacheeko itirattuu, irteene ili Furiijiya ichoow Galaatiya dah kagoocheen.

Hilassi Ergaano 13:42

Chirra Barnaba ichoow Baawulo minki weysiite Yaꞌhuud kabahaan ka, ꞌdooꞌd icho wahe ꞌdee Seeri Lanaso soomaro ka wahanyeyyohoo addan a icheekeen.

Yoohana 8:2

Ibeenki kaas sooraaho baryo ka, toro Yeesso minki Waakhe buure isoonokhte. ꞌDooꞌd tuumman la kasoourure, ulla orronte, ꞌdooꞌd walah abche.

Luuka 13:10

Yeesso maantoo Seeri Lanaso ka minkoo weysiite Yaꞌhuude ꞌdooꞌd wori Waakh kaabcha.

Marko 16:15

Wihi us icho iyidah, “Nyaama harra tuumman taba, Wori Haaggan la ꞌdooꞌdi Waakh soouume tuumman icheeka.

Mattaayo 13:2

Ururi Yeesso khaariche weyti buuraate, ꞌdeerka koobanhoo kore goya koorronte, enenyet la bey afiche tolossate dagansate.

Hilassi Ergaano 9:20

Dowwa on minassi weysiit irte, saggi Yeesso Weeli Waakh iyahe cheeke.

Hilassi Ergaano 16:16

Maantooka, nahi inti lakaweesti isohanni, inantoo bowꞌdeenye ginna dakhatti, ginna la miigti iche wihi sooyateeh kacheekto siisso, nah ꞌhesse. Iche la ꞌdooꞌdi iche ifasso jeenteti iche wihi sooyateeh icheekto on u, a kamurroosse.