Hilassi Ergaano 15:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Hilassi Ergaano 15:9 Referans Kwoze

Efeesso 3:6

Waha dagsaneet la a mehe ya, Wori Haaggan ka yaafohi Yaꞌhuud ieheynan wihi yaafohi Yaꞌhuud muꞌdan a leeꞌhelaan. Icho kola a sartoo kaldaye toro la wihi Waakh Yeesso Kiriisto ka ayyiche a leegismaan.

Hilassi Ergaano 10:28

Beetero la wihi us ꞌdooꞌdaas iyidah, “Weyti a garattaane amurreteen eti Yaꞌhuude yaafohi addan kachimmamo ommos minassicho gelo a buusantahe. Iꞌdaasenyi Waakh mehe ituse ya, an et an a biꞌdir ommos a suuj adeeh mele.

Kolossaay 3:11

Jirota husub ka enenyet seley ma gaan, iꞌdi maanta Yaꞌhuud ichoow yaafohi Yaꞌhuud ieheynan, ꞌdooꞌdi khandiiti ichoow ki ikhandiyan, ꞌdooꞌdi isoomin ichoow ki lakarooro, ki ilbooyyee ichoow ki furan seley ma gaan. Iꞌdaasenyi eti khumman a Kiriisto, inno ichoow us la a wohoo kalday.

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

1 Koriinto 1:2

ꞌDooꞌdi nah khadaaba isoochiirro la, a ururi Waakhe ilkerengeetti weene Koriinto kijiro. Atin a ꞌdooꞌdi Waakh rubeytiis wahe munyaache, atin ichoow Yeesso Kiriisto ba wohoo kalday atin kayeele. Toro la eti tuummane harrata ka Yeesso Kiriistohi Kamureenenye toro la icho laka Kamurichee wahti iche ichiirra.

Rooma 3:22

Waakh kakhuufnaanki enenyet Yeesso Kiriisto kakhuufo ka iche enenyet eti ortiis ka fissan iekkaacha. Waha la eti tuummane Yeesso Kiriisto rummeesti ka a rum. Waakh enenyet seley ma sassaaho,

Hilassi Ergaano 11:12

Rubeyti Munyee wihi iche ani itidah, ‘ꞌDooꞌdaas a leejijjiitanne, raah.’ Reera lihenye koo Kiriistee laka ilkerengeetti Yooba ka iraahe ichoowka ilkerengeetti Kaaysareya isleeiranne, nah tuummamba min Korneeliyo isleegelle.

1 Beetero 1:22

Toolla runti atin raahtaan ka a isdikhteene ꞌdee ꞌdooꞌdi Kiriisto rummeeste ꞌdooninti rummaat ikhabtaan gone, taba giꞌde uurassiin ka weyti isꞌdoona.

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

1 Koriinto 7:18

Maanti Waakh atin wahe etoo a khandiineet? Etaas uus sumatti khandi bihin. Etoo maanti Waakh wahe ma khandiineynan a? Etaas uus lakikhandiyin laka.

Rooma 9:24

Inno laka ꞌdooꞌdi Waakh wahe goya a kijirra, ki Yaꞌhuude kalday on menye, iꞌdaasenyi ꞌdooꞌdi yaafohi Yaꞌhuud ieheynan laka.

Rooma 3:9

Maantaka nahi Yaꞌhuude mehe goonna? Innohi yaafohi Yaꞌhuud yaafohi Yaꞌhuud ieheynan a kadeefna? Iꞌdaaru laka ma kadeefno! Saggi an atin ituse u, weeli enenyet tuumman Yaꞌhuud ichoow ki Yaꞌhuud ieheynan ba, uskeele sam dese, woya.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Hilassi Ergaano 14:1

Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

Hilassi Ergaano 10:15

Hooyi Waakh koli lammaatteet usu leeyeede wihi us yidah, “Wihi Waakh munyaache wihi biꞌdire iikhaatin.”