Biblia Todo Logo
Bib sou entènèt

- Piblisite -




Hilassi Ergaano 15:40 - Wori Haaggane Yeesso Kiriisto Miinsan Ayyinti Husube Waakh Enenyet Igooche

40 Iꞌdaasenyi Baawulo Siila soobahsate kahe. ꞌDooꞌdi Kiriisto rummeeste icho Waakh iwahe, dahanohi haaggi Kamure buure gesseen.

Gade chapit la Kopi




Hilassi Ergaano 15:40
14 Referans Kwoze  

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.


Ilkerengeetti Attaaliya ka kooban geleene ilkerengeetti Antiyookhiya ili Siiriya kajirto inokhteen. Intaase hili icho toolla massicheen ka, goorat dahanohi haaggi Waakhe buure lakagesse.


Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.


Iꞌdaasenyi haaggi Waakhe buure ka eti an ahe a ahe. Haaggiis la ki ilmarhaatteet mee. Iꞌdi tahe an ergaanoti addan tuumman ꞌdirihicheeda hol dowe. Waha la ani menye, iꞌdaasenyi Waakh on haaggiiskaas ka hil ikahaagsate.


ꞌDooꞌd Kiriistoki inta ka ileejiro tuumman a atin soobariitiche. ꞌDooꞌdi Kiriisto kakhuufo inno ꞌdoono bariiti. Waakh ba atin tuumman atin imaala.


Kamur ba rubeyohiin leejira. Waakh ba atin imaala.


Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.


“Toollaka dahanti Waakh ichoow wori haaggiiski buure miinsane atin gessa. Waakh wora ka atin miigoon a yabuuꞌde, toro la wihi atin muꞌdan ꞌdooꞌdi Waakh munyaache tuumman a leeꞌhessaan.


Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.


ꞌDeerka inkoo icho af hiiteene Waakh wahteen ka, dahano korcheene iweesteene ergeen.


Chirri ꞌdooꞌdi inanti bowꞌdee leh saggi icho kola khajjeeli icho chilimme kaꞌhelaan ikhabin kase ka, Baawulo ichoow Siila khabteene, khaateene, inti lakoororsati ka, ꞌdooꞌdi intaas ka ꞌdooꞌd hukkumo igeecheen.


ꞌDooꞌdoo Yaꞌhuud la yeedaas rummeeste, Baawulo ichoow Siila ikhayeen. ꞌDooꞌdoo ittaawenye Yaꞌhuud ieheynane Waakh karooro ichoow deyyehoti ittaawenye magah khabto laka Kamur rummeeste.


Swiv nou:

Piblisite


Piblisite