Hilassi Ergaano 15:36 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁶ Inkoo geeddoo lafiddiye ka Baawulo wihi us Barnaba iyidah, “Kaale a nokhanni ꞌdooꞌdi Kiriisto rummeeste ilkerengeetohi goorat inno Yeedi Kamur kacheekne kijiro tuumman a tabno, saggi icho ijiraan a sooagarro.”

Hilassi Ergaano 15:36 Referans Kwoze

Hilassi Ergaano 14:6

Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Hilassi Ergaano 13:4

Lammache ichehi Rubeyti Munyee ergatte, irteene ilkerengeetti Seluukiya ikhubteene, intaas ka kooban geleene kurti bicche dahcho kajirto Kuuburo layadeeh irteen.

Hilassi Ergaano 13:51

Ergaano ꞌdeerka ebeeri luhlohicho fuulo wihi iche ꞌdooꞌdaas kacheekatti tuso ijahte, ꞌdeerka ilkerengeetti Ikooniyo iratte.

2 Koriinto 11:28

Waha tuumman ꞌdirihicho la, huleesi an kol dakkhan khabo a mali an ururre Kiriisto tuumman ikhabo.

Rooma 1:11

Anihi atin argo ꞌdee siintoo Rubeyti Munyee katamiit atin siicho, ꞌdee rubeyohiin miigowaan weyti imoona.

Hilassi Ergaano 14:1

Baawulo ichoow Barnaba ilkerengeetti Ikooniyo ka laka iꞌdi orrankateet u minki weysiite Yaꞌhuude geleen. Intaas ka wori Waakh mujjum cheekeene, ichoowka ꞌdooꞌdi buurenye yaafohi Yaꞌhuud ichoow ki yaafohi Yaꞌhuud ieheynan ba Kamur rummeesteen.

2 Timooti 1:4

Chaꞌan saggi maanti inno seley bahne at iooyte kasooꞌhelo, anihi kaargo ꞌdee hamaadi buure ibuuhicho ꞌdoona.

1 'Dessaloonika 3:6

Iꞌdaasenyi toolla Timooti a soonokhte. Wori haaggane us keene a atinhi uliba Kiriisto kakhuuftaane toro la uliba isꞌdoontaan. Wihi addane us yidah, a atinhi uliba hamaad ka nah kasooꞌhessaane, ichoow saggi atin argin nah iꞌdoontaan saggi nah laka toolla argin atin iꞌdoonnuu.

Hilassi Ergaano 14:21

Baawulo ichoow Barnaba la ilkerengeetti Deerbe ka Wori Haaggan cheekeene ꞌdooꞌdi ittaawe abatti Kiriisto kayeeleen. ꞌDeerka toro kaheene ilkerengeetti Luussira ichoow ti Ikooniyo ichoow ti Antiyookhiya ili Bisiidiya inokhteen.

Hilassi Ergaano 7:23

“Maanti us guꞌh tomon affar eleele ka, ꞌdooꞌdiiski Issiraayele us idaahicho gooche.

Mattaayo 25:43

An iꞌdi eti yeelane eheete, atin la ma imartiisan, murukh a eheete atin la gaad ma ikorin, a khannaneete jeela kijire, atin la ma isooyeyin.’

Mattaayo 25:36

Murukhe eheete, atin la gaad ikoorisseen. A khannaneete, atin la mujjum iwoywoyteen, jeela a kijire atin la a isooyeyteen.’

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Hilassi Ergaano 13:12

Etaas ween chirri us wihi yitah arge ka Kamur rummeeste, a mehe wori Kamur miinsane laabche a kagirmeeste.