Hilassi Ergaano 15:29 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁹ Gololi iyookkoyyohi waakkhakh lakayeessi liisoorriyooche uumhana, diig adamina, naffi laluulliche uumhana, ꞌdooꞌdi isidisan uus isleeurꞌdin. Chirri atin waha tuumman iskaholisseen wihi haaggane yeesseen. A Waakh atin bariisti.

Hilassi Ergaano 15:29 Referans Kwoze

Hilassi Ergaano 15:20

Iꞌdaasenyi khadaab ichiirro ꞌdee gololi iyookkoyyo ka labiꞌdirrooche uumhana, toro la ꞌdooꞌdi isidisan uus isleeurꞌdine, naffi laluulliche uumhana, diig adamina inidaahe.

Hilassi Ergaano 21:25

ꞌDooꞌdi Kiriisto rummeeste yaafohi Yaꞌhuud ieheynan la orey khadaab a ichiirre wihi nah goonne icheekne, ꞌdee gololi iyookkoyyohi waakkhakh lakayeessi liisoorriyooche ichoow jidi naffi laluulliche ichoow diig ichoow sohoꞌddarri a kanokhteen.”

Bakkaahit 2:20

Iꞌdaasenyi wihi an atin kakhabo kallaayo, atin aranta Yeesebel layadeehe eti Waákh íyeyyeedo istadeeh a isisooꞌdiissaan. Wihi iche abisso ka falfayyoheey jite bujissa, ꞌdee ꞌdooꞌdi isidisan isleeurꞌda toro gololi iyookkoyyohi waakkhakh lakayeessi liisoorriyooche yamhiin.

Bakkaahit 2:14

Iꞌdaasenyi wahanyeyyohoo rucchul a atin kakhaba. Atin intaas ka ꞌdooꞌdoo wihi Baalam enenyet abche raaho a khabtaan. Baalam usu Baalak saggi ꞌdooꞌdi Issiraayel liitarraantarricho abche, ꞌdee ꞌdooꞌdi Issiraayel gololi iyookkoyyohi waakkhakh lakayeessi liisoorriyooche yahame toro sohoꞌddarri liisoojiita.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

1 Yoohana 5:21

Nyaakhuteeyki an weyti ꞌdoono, taba iyookkoyyohi waakkhakh lakayeessi iskahossa.

Yaakoobo 1:27

Jitaas inno Waakkhi Aabbaheene mujjum karaahno us khaatti uruftoo rucchul laka ikhabine toro wohoo ikaankhaneynan, a ki nyaakhuti abar ichoow ooyo laa ichoow muunkhoyyo sinayyohicho ka mujjum lawoywoyo. Toro la wahanyeyyohi harratane sussuujenye enenyet biꞌdirroocho islakalaabo.

1 Timooti 5:22

Etoo dowwa on dahan akorinne weynaanti urur Kiriisto woyto akayeelin. Iꞌdaas ka uskeelicho ma leegisanto. Ati rubeytaah la miꞌdab iskayeel.

2 Koriinto 13:11

ꞌDooꞌd Kiriistokaaw wihi yomboot, taba weyti hamaada, ꞌdooꞌdi buuho ateeha, uur ismiigoocha, maloo kalday khaba, nebey iskaleefiddiya. Iꞌda ka Waakkhi ꞌdoonin ichoow nebey tuumman leh a atin leejira.

2 Koriinto 11:9

Maanti an atin leejire, chirri an walah waaye, et an hulees korche mele. Iꞌdi tahe ꞌdooꞌd Kiriistoki boroofenhi Makedooniya kayimiy wihi ikaankhan a isoobuuhiche. An hulees injire ma atin korinne, toro la uliba laka orey on isohda iꞌda yeela.

Hilassi Ergaano 18:21

Iꞌdaasenyi chirra us kaho ka, “Chirri Waakh ꞌdoono a atin isoonokhda,” iyidahye, kooban kore ilkerengeetti Efeesso kabahe.

Luuka 9:61

Etoo addan toro wihi us yidah, “Kamur, an kiraaha, iꞌdaasenyi alley koloo a irdi ꞌdooꞌdeey a ‘Waakh atin bariisti,’ iidaahe.”

Hilassi Ergaano 23:30

Chirri saggi ꞌdooꞌdoo ogoos iyowti liisoocheeke ka, an chirraas on a kisooerga idah. Anna toro ꞌdooꞌdi usu wohoo kakhabo amur ibahche, wihi icho usu kacheektaan ati a kikeeneen.