Hilassi Ergaano 15:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 15:23 Referans Kwoze

Hilassi Ergaano 23:26

Eti khadaaba soochiiro, a ani Kilaawudiyo Luusiyas. Eti an ichiiro la a atihi weene, gaafaneenye Feelig layadeeh. Nebeytaah ma furatti.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Galaatiya 1:21

Saahka boroofenhi Siiriya ichoow boroofenhi Kiliikiya irde.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

3 Yoohana 1:14

Anihi dowwanoha ka kisooꞌdaaro khajjeela afaah ꞌhela.

2 Yoohana 1:13

Nyaakhut walaassaahti Waakh soobahsate weyti a atin soobariitiche.

2 Yoohana 1:10

Chiꞌ etoo atin iyimiyye ulla wori us keene, wori Kiriisto enenyet abche buusanyahe, etaas urantiin laka asoogelinna ommos bariito laka abariitinna.

2 Yoohana 1:3

Waakkhi Aabbaheene ichoow Yeesso Kiriistohi Weeli Aabbaheene ba rum ichoow ꞌdoonin ka inno imaalaane, uur inno isoonugleestaane, nebey inno kakaalaan.

Hilassi Ergaano 15:41

Siiriya ichoow Kiliikiya tabe ururre Kiriisto uur miigooche.

Hilassi Ergaano 15:4

Chirri icho ilkerengeetti weene Yeerusaleem sooeleeleen ka, urur Kiriisto ichoow ergaano ichoow ewweenki urur Kiriisto woyo ba icho martiisteen. Baawulo ichoow Barnaba la wihi Waakh icho ka yeele tuumman icheekeen.

Hilassi Ergaano 15:1

ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 14:27

Inkoo icho ilkerengeetti Antiyookhiya geleen ka, urur Kiriisto isiwaheene, wihi Waakh icho ka yeele ichoow saggi Waakh jitoo ifure ꞌdee yaafohi Yaꞌhuud ieheynan laka Waakh ikakhuufaan icheekeen.

Hilassi Ergaano 21:25

ꞌDooꞌdi Kiriisto rummeeste yaafohi Yaꞌhuud ieheynan la orey khadaab a ichiirre wihi nah goonne icheekne, ꞌdee gololi iyookkoyyohi waakkhakh lakayeessi liisoorriyooche ichoow jidi naffi laluulliche ichoow diig ichoow sohoꞌddarri a kanokhteen.”

Hilassi Ergaano 21:3

Chirri nah kurti bicche dahcho kajirto Kuuburo layadeeh agarre ka, anki gurro tabne, ili Siiriya isohannaa. Inti ilkerengeetti Tiiro layadeeh ka iranne, bicche aficho tolossanne, koobane intaas ka meeh yagchaa.

Hilassi Ergaano 18:18

Baawulo ilkerengeetti weene Koriinto ibeennetoo fiddiye. Saahka ꞌdooꞌdi Kiriisto rummeeste katabe, Akiila ichoow Birisiila khabaayi kooban ka boroofenhi Siiriya ikahe. Geeddi us kooban igelin, ilkerengeetti Kenkereeya ka matah lahaaꞌde, a mehe ibeenneti us Waakh idaatte a massatte.

Hilassi Ergaano 11:18

Chirri icho waha daageen ka wihi Beetero yeele ꞌdiiꞌdin katabeene Waakh saaꞌdeen. Wihi icho yidaaheen, “Kola ꞌdeerka Waakh yaafohi Yaꞌhuud ieheynan laka uskeel a kasoolaabe, ꞌdee jiro ꞌhelaan.”

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Hilassi Ergaano 6:9

Iꞌdaasenyi ꞌdooꞌdoo Isiteefano iriir leegele. ꞌDooꞌda a ayyo ya, a ꞌdooꞌdoo minkichoki weysiit, “ꞌDooꞌdi Lasoofure,” layadeeh ichoow ꞌdooꞌdi Yaꞌhuude ili Kureene kayimiy ichoow ki Alekisaandariya ichoow ki Kiliikiya ichoow ki Aassiya. ꞌDooꞌda Isiteefano iriir leegele,

Hilassi Ergaano 11:20

Iꞌdaasenyi gaasichokoo ili Kuuburo ichoow ilkerengeetti Kureene kayimiyye, ilkereengeetti Antiyookhiya irte, ꞌdooꞌdi yaafohi Yaꞌhuud ieheynan Wori Haaggane Yeessohi Kamure miinsan icheekeen.

Hilassi Ergaano 15:2

Baawulo ichoow Barnaba jeenteti yeedaas u ꞌdooꞌdaas leejaakheen. ꞌDeerka jeentetaas u Baawulo ichoow Barnaba ichoow ꞌdooꞌdoo addane Kiriisto rummeeste lasoobahche, ꞌdee ilkerengeetti weene Yeerusaleem irtaane wihi ayta miinsan ka ergaano ichoow ewweenki urur Kiriisto woyo argaan.