Hilassi Ergaano 15:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.

Hilassi Ergaano 15:14 Referans Kwoze

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

Rooma 1:5

Kiriisto ka ichoow iroonoti magahiis u, haaggi Waakhe buure ichoow hila khummane ergaano layahe a ꞌhelle. ꞌDee ꞌdooꞌdoo yaafohi Yaꞌhuud ieheynan tuumman kakhuufnaanki icho Waakh kakhuufaane yeediis raahaan iwahna.

Rooma 11:36

A mehe Waakh a uumacchoti walah tuummane, usu on ka walah tuumman lasoouume toro la walah tuumman usu liisoouume. Jirtuu tuumman usu a lakoolicho. Aamiin.

Luuka 1:78

A mehe, Waakkheen uure nugulyahe toro a haagganyahe. Kamureen ꞌdooꞌdiis a riba, banayhiis la iꞌdi orrahti baryo sookortuu inno siicha,

Luuka 1:68

“Kamuri Waakkhi Issiraayele a lasaaꞌdo! Iꞌdi tahe us ꞌdooꞌdiis a soofure.

Luuka 2:25

Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.