Hilassi Ergaano 15:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Chirri icho yeyyeed massicheen ka, Yaakoobo sooyeede, wihi us yidah, “ꞌDooꞌd Kiriistokaaw idagansada.

Hilassi Ergaano 15:13 Referans Kwoze

Hilassi Ergaano 12:17

Ulla dahan ka gammadicha iyidahye, saggi Kamur jeela ikasoobahche icheeke. “Waha Yaakoobo ichoow ꞌdooꞌdi Kiriisto rummeeste icheeka,” iyidahye, bahe intoo addan irte.

Yaakoobo 1:1

Khadaaba eti atin isoochiiro, a ani Yaakoobo. Anna a bowꞌdati Waakh ichoow bowꞌda Yeesso Kiriistohi Kamureene. ꞌDooꞌdi an isoochiiro la a ꞌdooꞌd Kiriistoki yaafohi tomon ichoow lammeenye Issiraayelenye harra tuumman kataasan. Nebeeheyte?

Galaatiya 2:12

Iꞌdi eheneet, ꞌdooꞌdoo Yaꞌhuude Yaakoobo kayimiy a jire. Geeddi ꞌdooꞌda iimaatan, Beetero ꞌdooꞌdi yaafohi Yaꞌhuud ieheynan a leegolossata. Iꞌdaasenyi inkoo ꞌdooꞌdaas Yaꞌhuud yimiy, Beetero yombo inokhte, ꞌdooꞌdi us leegolossati kagowe. Waha a jeenteti us ꞌdooꞌda Yaꞌhuude, yaafohi addane lakhandiyo ꞌdoono ikarooro.

Galaatiya 2:9

Yaakoobo ichoow Beetero ichoow Yoohana, iche tirrinki urur Kiriisto liiekkaacha. Icho la saggi an haaggi Waakhe buure ka hila liisiiche a abteen. Toro ani ichoow Barnaba kulanki urur Kiriisto ka nah khaatteen. Wihi nah iskadaagne a mehe ya, icho yaafohi Yaꞌhuude iirtaane, nah la yaafohi Yaꞌhuud ieheynane iiranna.

Yaakoobo 1:19

ꞌDooꞌd Kiriistokaaw, taba waha tissiba, atin tuumman dowwa nabah suda, dowwa ayeedina, dowwa ahollowina.

Galaatiya 1:19

Ergaanoti addan koo an arge mele, Yaakoobohi Yeessohi Kamure walaaliise kaldaye on menye.

Hilassi Ergaano 22:1

Baawulo wihi us yidah, “Yaaftaay ichoow ooyenyeey, bal geedda an ortiin ka isiyeyyeedo idagansada.”

Hilassi Ergaano 21:18

Ibeenki kaas sooraaho ka, Baawulo ichoow nah tuumman iranne, Yaakoobo sooagarre, ewweenki urur Kiriisto woyo tuumman la intaas a kajire.

Hilassi Ergaano 7:2

Waha ka wihi us laabe, “Yaafeey idagansada. Waakkhi weynaane tiis tahe, aabbaheenki Aburaaham layadeeh geeddi goorat archiiy us ilkerengeetti weene Haaran igelin, ili Messabotaamiya ka a isoobahe.

Hilassi Ergaano 2:29

“Yaafeey, wihi aacchiheenki karnatenye Dawuud layadeeh miinsan roorro laane atin abcha. Dawuud a yumuyye, lahawwaale. Kaassintiis la ichoow uliba intane inno kaleejirta.

Hilassi Ergaano 2:22

Beetero toro wihi us yidah, “ꞌDooꞌdi Issiraayeloow, bal yeeda nabah isuda! Waakh Yeessohi Naasaret ka wihi weeli enenyet yeelin iubaaꞌdan ichoow girmo ichoow wahanyeyyohi miigti Waakh tuso a atin tuse. Iꞌdaakka Yeesso rumanka antohi Waakh khabo a atin tuse. Atin la wahaas a garattaan.

Hilassi Ergaano 2:14

ꞌDeerka Beetero ergaanoti addane tomon ichoow koowe khabaayi tolossate riire, wihi us urur iyidah, “Yaafteeyti Yaꞌhuud, ichoow atinhi ilkerengeetti weene Yeerusaleem taalliin tuumman, alleya waha a atin idowdowo. Wihi an eldi mujjum nabah isuda.

Marko 15:40

Deyyehotoo fogaka a ꞌdeyꞌdoossa. Goycho ka a Maariyati ilkerengeetti Magdaala ichoow Maariyati Yaakoobohi nugul ichoow Yoosse desse ichoow Saloome.

Hilassi Ergaano 15:14

Siimonhi Beetero layadeeh saggi Waakh kolooraat ꞌdooninti us yaafohi Yaꞌhuud ieheynan iꞌdoono ituse, us gaasichokoo isoobahsate ꞌdooꞌdiis ikayeesse a inno isoodowdowe.