Hilassi Ergaano 15:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ ꞌDooꞌdoo ili Yaꞌhuudiya kasookhubte ilkerengeetti Antiyookhiya yimiyye wihi us ꞌdooꞌdi Kiriisto rummeeste abche, sammata iꞌdi amurre Muusa atin iabissuu atin liikhandiyin, Waakh ma atin ribo.

Hilassi Ergaano 15:1 Referans Kwoze

Galaatiya 5:6

A mehe jeenteti wihi Yeesso Kiriisto inno iyeeluu, khandi ommos khandiwaayyo indigir icho khabaan mele. Wohoo kaldaye khummane jira, a kakhuufnaanki inno Kiriisto kakhuufno, ꞌdooninti inno Waakh ichoow ꞌdooꞌdi addan ꞌdoonno lakaargo.

Hilassi Ergaano 15:5

ꞌDeerka ꞌdooꞌdoo Kiriisto rummeeste orey rabitti Farissaayo eheet la tolossate wihi us yidah, “Wihi massan, yaafohi Yaꞌhuud ieheynan a lakhandiya toro wihi lakaꞌdoono a ichohi amurre Muusa raaho.”

Kolossaay 2:8

Taba giꞌde uus etoo kalday laka malassi beenaate indigir laa ka atin ekkeysanne iꞌdi bowꞌduu atin labooliyin. Malassa la wihi Kiriisto essi ma kanoole, hugumme ichoow miigti suujenye harratane kanoolyahiin.

Hilassi Ergaano 15:24

Wihi nah daagne, ꞌdooꞌdoo ki intee a atin iyimiyye yeedicho ka atin malalicheene toro atin kaholloocheen. Iꞌdaasenyi nah ꞌdooꞌdaas amur ma siin.

Yoohana 7:22

Muusa goorat hugunki atin yeeletiin kakhandiitaan a atin siiche. Rumanka hugunka Muusa ma kiimaatan, iꞌdaasenyi aacchinyetiinna kasoouummame. Jeentetaase yeeletiin Seeri Lanaso laka ikhandiitaan.

Galaatiya 2:1

Inkoo guꞌh tomon ichoow affare kutte, Barnaba khabaayi, ilkerengeetti weene Yeerusaleem toro inokhde. Tiito laka a khaadde.

Hilassi Ergaano 15:3

Urur Kiriisto icho ergate. Geedda icho ili Foniikiya ichoow ki Saamariya tabaan, saggi yaafohi Yaꞌhuud ieheynan Waakh ikakhuufeen cheekeen. Wora la ꞌdooꞌdi Kiriisto rummeeste tuumman weyti kahamaadiche.

Hilassi Ergaano 6:14

Usuhi, ‘Yeessoha ilkerengeetti Naasaret a yamiite, minka Waakh jejjebcha, hugumme Muusa la urgiyicha,’ essi a daagne.”

Kolossaay 2:16

Maantaka, uus etoo kalday laka wihi atin tamhiin ka ommos wihi atin dantaan ka ommos daawo ka ommos ibeenneti munyee ommos maanti haye delatte ommos Seeri Lanaso ka uskeel atin igoon.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

Hilassi Ergaano 15:22

ꞌDeerka ergaano ichoow ewweenki urur Kiriisto woyo ichoow urur Kiriisto tuumman wihi icho goocheen, ꞌdooꞌdichokoo soobahchaane, ꞌdee Baawulo ichoow Barnaba kaꞌdaraane ilkerengeetti Antiyookhiya leeirtaan. Et lamma ꞌdooꞌdi Kiriisto rummeeste goyaka weynaan leh soobahcheen. ꞌDooꞌdaas la a Yuudahi Barsabba layadeeh ichoow Siila.

Hilassi Ergaano 1:15

Inkoo ibeennetoo kutte ka, ꞌdooꞌdi Kiriisto rummeeste soourure. Icho tuumman la a geeddi et kudoo ichoow tomon lamma. Beetero la kahe yeede,

Hilassi Ergaano 15:23

Khadaaba leergeen. Khadaab la wahane kachiiran. ꞌDooꞌdi khadaaba atin isoochiiro a nahi ergaanee ichoow ewweenki urur Kiriisto woyo iꞌdiin u Kiriisto rummeeste. ꞌDooꞌdi nah isoochiirro la a atinhi yaafohi Yaꞌhuud ieheynane Kiriisto rummeysatteene ilkerengeetohi Antiyookhiya ichoow Siiriya ichoow Kiliikiya taalliin. Nebeeheyte!

Hilassi Ergaano 15:32

Yuuda ichoow Siila la icho rubeycho a ꞌdooꞌdi Waákh íyeyyeedo, wihi ittaawe ꞌdooꞌdi Kiriisto rummeeste icheekeene, uur miigoocheen.

Galaatiya 6:12

ꞌDooꞌdi khandi atin ihosso, a ꞌdooꞌdi enenyet ortiis ka ishahhaaggin ꞌdoono. Iꞌdane yeelaan uus ꞌdee jeenteti wori massalaaba Kiriisto miinsane enenyet ribo ka sina loomhin.