Hilassi Ergaano 14:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Iꞌdaasenyi Baawulo ichoow Barnaba yeedaas kaseene ilkerengeetti Deerbe ichoow ti Luussira distriighi Lukahooniya kajirto ichoow ili tuummane isoodow ifirdeen.

Hilassi Ergaano 14:6 Referans Kwoze

2 Timooti 3:11

sina a lakoomhiche bolokh goya tabte. At sinayyohi ilkerengeetti Antiyookhiya ichoow Ikooniyo ichoow Luussira ka liiomhiche an garrahsade a garatta. Iꞌdaasenyi Waakh sinayyohaas tuumman a ikaribe.

Mattaayo 10:23

Chirri ilkerengeettoo ka sina atin loomhicho, ilkerengeettoo addan ifirda. Rume atin icheeka, geeddi atin hiliin ilkerengeetohi ili Issiraayel tuumman ka imassin, iche Ínam Aadam soonokhta.”

Hilassi Ergaano 9:24

Iꞌdaasenyi Saawulo malicho abte. Ibeen ichoow maalim ba artohi ilkerengeeteete toorribaane ꞌdee usu yagiisiin.

Hilassi Ergaano 14:8

Ilkerengeetti Luussira ka etoo luhlo laaye, uus ladele injire isohan a jire.

Hilassi Ergaano 14:11

Urur la chirri us wihi Baawulo yeele arge ka, afichoki Ikooniyo ka riire, “Waakkhassi ittaawe maalinka uummanki enenyete inno ikayimaateen” yidaaheen.

Hilassi Ergaano 15:36

Inkoo geeddoo lafiddiye ka Baawulo wihi us Barnaba iyidah, “Kaale a nokhanni ꞌdooꞌdi Kiriisto rummeeste ilkerengeetohi goorat inno Yeedi Kamur kacheekne kijiro tuumman a tabno, saggi icho ijiraan a sooagarro.”

Hilassi Ergaano 20:4

ꞌDooꞌdi usu walhiche a inam Birroki ili Beeroya, Soobarro layadeeh ichoow Aristaarkos ichoow Sekundohi ilkerengeetti ꞌDessaloonika ichoow Gaayohi ili Deerbe. ꞌDooꞌdi ili Aassiya Baawulo walhiche la a Tuuchiko ichoow Turofiimo. Timooti laka Baawulo a walhiche.